Asociacion di Radio y TV di Aruba, ABA ta logra acuerdo pa pago di derechonan mas husto

    222
    0
    SHARE
    - Advertisement -

    ORANJESTAD(AAN): Na Amsterdam ayera mainta na oficina di Buma Stemra Sr. Aldrich Croes na nomber di ABA, e asociacion di Radio Emisoranan y Televicion di Aruba a yega na un acuerdo cu Buma Stemra pa pago di derecho di autor mas husto cu ta permiti radio emisoranan cumpli cu e derechonan y alaves sigi existi.

    E asociacion (ABA – Aruba Broadcasters Association) a ser lanta pa defende e interes di e radio emisornan y televicion di Aruba y specialmente pa logra un acuerdo mas husto pa pago di derecho di autor.

    Durante e ultimo lunanan e directiva a traha hopi keto pa purba logra e acuerdo aki.

    Pesey a papia cu instancianan na Merca y Hulanda pa haya e mihor conseho.  E acuerdo ta encera cu radio emisoranan lo paga bay paga cada un den forma individual segun nan tamaño di negoshi den e mercado di Aruba y algun consideracion di format specifico cu cada Radio ta usa pa transmiti nan programacion.

    E suma pa luna y pa aña ta considerablemente menos cu anteriormente kier a cobra e radionan.

    Directiva di ABA ta gradici tur su miembronan pa nan apoyo y especialmente e colaborador Sr. Rob Velders pa su asistencia. Pa loke ta television e negosacionnan lo continua otro luna y ta spera di por yega tambe na un acuerdo satisfactorio.

     

    - Advertisement -

    DUNA COMENTARIO

    Please enter your comment!
    Please enter your name here