Home Policial Atrobe botonan di Venezuela ta yega Aruba cu ilegalnan

Atrobe botonan di Venezuela ta yega Aruba cu ilegalnan

287
0
SHARE
- Advertisement -

Ta menciona cu ta 20 hende total lo a yega den dos boto

ORANJESTAD   (AAN): Dos boto den oranan di diamars marduga a wordo intercepta pa radar. Uno a yega tera y plama den barancanan na costa. E otro Polis Maritimo a logra hunto cu Kustwacht aborde riba lama.

A coy cuater hende den e boto intercepta y despues sink e boto na algun miya pafo di Aruba. E otro boto cu a yega tera autoridad a logra gara cuater ilegal den e vecindario di Parke Arikok.

Ta wordo menciona cu ta 20 hende total lo a yega Aruba den dos diferente boto. Na Boca Calcoriti ta e boca den Parke Arikok cu e boto a bin kibra. A haya varios tanki, cabuya y otro ekiponan procedente di e boto.

Tur e cosnan aki a wordo confisca. E palonan tur kibra a keda riba e beach. E motornan di e boto no a wordo haya. Polis y Kustwacht a wordo hiba na e Boca Calcoriti. Nan mester a pone e auto banda di Dos Playa y asina cana un pida basta largo di casi mey ora pa yega na e sitio. No por yega cu auto eynan. Cu quadracer por yega mas facil.

E personal di Parke Arikok ya caba pa 7or a bay cana na costa pa mira si tur cos ta bon. Asina a bin topa cu e boto destrui y demas materialnan. No a topa cu mas hende.

Polis y tambe kustwacht a topa na e sitio y eynan a analiza tur e documentonan cu a wordo haya. A haya cedula y paspoort di hende muhe y hasta mucha.

A haya papelnan cu basta number di telefon local riba dje. Tur esaki lo wordo usa pa haci investigacion cu mester tuma lugar.

 

- Advertisement -

DUNA COMENTARIO

Please enter your comment!
Please enter your name here