Home Parlamento Aumento di BBO, BAZV, BPPS ta un atraco cruel ariba nos pueblo

Aumento di BBO, BAZV, BPPS ta un atraco cruel ariba nos pueblo

113
0
SHARE
- Advertisement -

drs. Mervin.Wyatt-Ras:

ORANJESTAD   (AAN):  Diahuebs atardi laat a drenta Parlamento e ley cu ta regarda aumento di BBO, BAZ V y BPPS. Mesora e presidente di parlamento  a core yama  reunion pa trate e ley aki den menos cu 24 ora.

Y ya dialuna mester entrega pregunta al respecto. Siguramente lo bulldoze e tratamento di e ley den parlamento e siman aki Parlamentario Mervin Wyatt-Ras y su fraccion ta haya e proceder aki y e ley inacceptable.

Ta increible cu gobierno envez di tuma medida den su propio administracion y den e cantidad di ministernan ta skohe e cartera di nos pueblo pa kita placa for di esaki. Gobierno en cambio tin 8 minister y a aumenta su gastonan cu 125 miyon en comparacion cu gobierno anterior.

Gobierno pues no ta cumpli cu promesanan haci.

E cantidad di gastonan di personal a subi cu 13 miyon y e cantidad di gastonan pa cu viahe, pr, auto y otro luhonan di gobernantenan a subi cu 17 miyon. Wyatt-Ras hunto cu su coleganan a

a entrega un carta di protesta na Staten cu a ser manda pa diferente gremio. Tambe a haci un cantidad di preguntanan na gobierno. Segun Wyatt-Ras e stempelcoalitie lo pasa e coalitieheffing aki den un sera di wowo. Esnan perhudica lo ta nos pueblo humilde cu lo tin menos placa den su cartera.

Lo kita alavez reparatietoeslag for di un cantidad di ciudadano cu tin un salario minimo y for di pensionadonan. Tur esaki sin tin ningun estudio financiero ni un rapport di e impacto soci-economico, ni e garantia cu e medidanan aki lo trece suficiente placa den caha di gobierno.

Raad van Advies a cuestiona e ley presenta y ta considera cu gobierno mester cambia hopi den e ley prome cu mande Parlamento sin embargo Gobierno tog a core e manda e ley Parlamento pa por bulldoze e. Gobierno ni sikiera  a investiga si por a tuma otro tipo di decision pa genera placa envez di atraca nos pueblo na un forma cruel asina.

Por anticipa cu prijsnan di comestibles lo subi. Hunto cu subida di accijnzen prijs di awa y coriente lo subi, prijs di medionan di transporte, vivienda y e costo di haci negoshi lo subi cual lo tin su impacto dor di cual nos hendenan lo perde trabou y lo cai den debe cu consecuencia social y pobresa.

En general costo di bida lo subi, lo tin inflacion grandi y Aruba lo bira mas caro ainda.

Ta iresponsabel cu gobierno sin consulta cu entidadnan importante ni gremionan ta tuma tal decision.

Awor pueblo sigur lo sinti e cambio priminti di gobierno MEPPORRED, esta e atraco ariba cartera di nos pueblo.

 

 

- Advertisement -

DUNA COMENTARIO

Please enter your comment!
Please enter your name here