Home General Autoridad ta atendiendo diferente situacion cu tin di haber cu contrabando y...

Autoridad ta atendiendo diferente situacion cu tin di haber cu contrabando y mercancia for di Venezuela

120
0
SHARE
- Advertisement -

Minister Steven Martina a bisa na Corsou:

ORANJESTAD   (AAN): Autoridad cu ta atendiendo cu diferente situacion cu tin di haber cu contrabando y mercancia cu ta bin di Venezuela, ta haci esaki pa reglamenta tur cos, pa evita un paro total un biaha mas, manera cu presidente di Venezuela a haci, strobando embarcacionnan sali for di Venezuela, pa Corsou, pa Aruba, etc.

Minister di asuntonan economico, Steven Martina, ta confirma cu barconan ta bin for di Venezuela y Corsou ta hayando un cargacion grandi di pisca y tambe di fruta. El a splica cu nan tabata tin un discusion enorme, pasobra e localidad cu ta Sha Capriles Kade, caminda cu e barconan mester a mara, na e momentonan aki ta den construccion. Dia cu tabata tin e embargo, a bisa cu pa e luga keda bashi, a laga e productornan local haci uzo di e localidad.

Awo cu e embargo a kita, ta haya naturalmente un discusion cu si e barconan tin cu bin bek of tin cu mantene e luga pa nos hendenan local. E discusion tin awor aki na Corsou. Pero punto ta, cu e embargo a kita. E barconan ta bek y a pone nan un otro localidad pasobra esun di semper, Sha Capriles Kade ta drechando na e momentonan aki. Na un otro localidad e barconan tey. Nan ta pone nan mercancia eynan y benta ta sigui.

Minister Martina a splica cu a sinti cambio den prijs pasobra mester a importa berdura y fruta for di entre otro Colombia y Republica Dominicana y aki e gastonan di transporte ta mucho mas halto compara cu e barconan cu ta bin for di Venezuela.

Un dado momento en berdad a sinti aki aya cu e prijs di berdura y fruta a cuminsa subi.

E reglanan di wega di semper, a cumbini y a ratifica esakinan den documentonan for di 2016 kico precies mester cumpli cun’e, cua ta e permitnan cu nan mester tin, cua ta e area cu nan mester keda, cua ta e cosnan cu nan no mag haci, por ehempel bay riba caya, bende sin mas sin ventvergunning. Tur e afspraak aki ta conoci cerca nan. Pero tambe a reinforma nan riba dje, di tal forma cu ora nan ta aki, nan sa di e reglanan di wega.

Minister Martina a comenta cu e localidad di semper no por bay eynan pasobra ta bezig ta drechando e, haciendo e limpi bek. Na e momentonan aki nan tin cu acepta cu nan ta den un luga menos ideal. Havenmeester a papia cu nan y nan mester pone mas taira pa na momento cu e lama ta bruto, pa no haci un impacto mucho grandi. Tambe a splica cu e localidad cu nan ta awor aki, ta un localidad temporal.

- Advertisement -

DUNA COMENTARIO

Please enter your comment!
Please enter your name here