Home Cultura Awe ta Dia Internacional di Diversidad Cultural y Desaroyo

Awe ta Dia Internacional di Diversidad Cultural y Desaroyo

10
0
SHARE
- Advertisement -

ORANJESTAD (AAN) – Awe, Dialuna 21 di Mei, ta wordo celebra e “Dia Internacional di Diversidad Cultural y Desaroyo” bao lema cu “Nos diversidad cultural ta patrimonio comun di humanidad”.

E diversidad cultural ta un fuente di renovacion di idea y sociedadnan, locual ta permiti nos tur habri na e demas personanan y concebi formanan nobo di pensamento.

E diversidad aki ta un oportunidad pa fomenta paz y e desaroyo sostenible.

Den e recta final pa logra e obhetivonan di desaroyo di Milenio, UNESCO a reafirma su argumento y accion na fabor di e vinculo cu ta uni e cultura y e desaroyo sostenible.

E resolucion aproba door di e Asamblea General di Nacionnan Uni na December 2013, den cual ta wordo reconoci e papel di e cultura como facilitador di e desaroyo sostenible, ta un invitacion pa moviliza mas ainda e potencial di e diversidad cultural.

E diversidad ta un recurso hopi valioso pa logra obhetivonan di desaroyo pasobra e ta trata di combati pobreza, promove igualdad di genero, educacion di calidad, derecho humano y e mester wordo incorpora plenamente na e strategianan mundial di desaroyo sostenible.

Un informe tocante Economia Creativo di ONU, prepara conhuntamente door di UNESCO y PNUD na 2013, a mustra cu e crecemento di e economia creativo ta un di esnan mas rapido na mundo.

 

- Advertisement -

DUNA COMENTARIO

Please enter your comment!
Please enter your name here