Home Comercio Balashi cu boter nobo, label di color transparente cu fofoti, y tapadera...

Balashi cu boter nobo, label di color transparente cu fofoti, y tapadera color cora

21
0
SHARE
- Advertisement -

ORANJESTAD   (AAN):  Brouwerij Nacional Balashi ta orguyoso pa presenta e imagen completamente nobo pa Balashi, e cerbes nacional di Aruba.

Balashi ta prepara cu e filosofia pa duna e cliente e sensacion cu cada cerbes ta prepara localmente fresco, pues no ta contene preservativonan, pero di otro banda ta conta cu productonan di calidad halto, manera ta e awa mas puro di mundo…e awa di Aruba.

Cu lansamento di e imagen nobo, e sabor ta keda intacto, pues di paden Balashi ta e mesun cerbes local y fresco, prepara cu hopi pasion y di calidad superior.

Rindiendo honor na nos patrimonio local y halsa nos producto na e standardnan di nos competidonan internacional, a haci cu e cara nobo di Balashi awor ta inclui boter, caha y blekinan rediseña.

E cambionan na e boter ta inclui un tecnologia nobo y moderno di cual e label ta color transparente, creando un imagen superior. Banda di esey e tapadera awor ta bin den color cora y cu e logo imprimi riba dje. Riba e label nobo por aprecia e mata di fofoti riba e Balashi, diseña di un forma delicado y detaya, di cual su blachinan ta di color di oro, pa asina enfatisa tanto e calidad superior di e cerbes y e historia di “gold rush” di e bario conoci como Balashi.

Ta bon pa menciona cu e boternan keto bay ta bal 20 cen ora debolbe nan, como parti di e compromiso di Brouwerij Nacional Balashi pa tin un impacto minimo riba nos medio ambiente.

E caha ta complementa e boter nobo, cu atencion detaya den crea un pakete masha bunita mes, sin kita for di cua banda of angulo bo ta mirand’e.

E diseño di e bleki ta sigui e elementonan consistente di e boter y e caha nobo, cu aspectonan di e color oro pa enfatisa e origen di e nomber Balashi y e area unda e brouwerij ta situa, specialmente e minanan di oro di Balashi, un parti importante di e historia di Aruba den e industria di oro.

E imagen nobo di nos cerbes nacional ta tene cuenta cu e icononan di Balashi y di nos isla, pa duna Aruba un cerbes cu nos tur ta orguyoso di dje.

 

- Advertisement -

DUNA COMENTARIO

Please enter your comment!
Please enter your name here