Home Parlamento “Bo a acomoda Paul Croes mediante un Ley, pues no ta nada...

“Bo a acomoda Paul Croes mediante un Ley, pues no ta nada straño bo gritonan den desierto pa salba bo amigo Benny”

64
0
SHARE
- Advertisement -

Parlamentario Endy Croes na Marlon Sneek:

ORANJESTAD  (AAN):  Parlamentario Endy Croes kier haci un pregunta publico. Con mester yama un hende cu No tin gevoel ni escrupulo y ni berguensa? Un SINBERGUENSA? Marlon Sneek den un articulo kier defende su amigo Benny Al Capone tildando coalicion pa stop di haci show den parlamento y si tin prueba pa cana e caminda di OM.

Promer cu bay riba esaki mester refresca Marlon Sneek su memoria. Mescos Marlon Sneek a grita algun aña atras y den fraccion di seconde su Minister di Labor na 2017 a cay sera.

Marlon y tur e marionetanan di AVP enbes di coy un postura fuerte momento cu a encarcela Paul Croes y mustra pueblo cu nan ta Parlamentarionan di caracter, a prefera di dobla manera politiconan di panlefi riba presion di Mike Eman y a haci cambio den ley pa acomoda un Minister pa e por a keda  cobra 100% di salario siendo e ta cera den KIA.

Corupcion di siglo

Mike Eman mes a laba man manera “Poncio Pilato” door di no a pone Paul Croes riba lista cu AVP a entrega 4 di Augustus 2017. Pues Mike Eman tabata bon bon na altura kico tabata na caminda pa Paul.  Politiconan manera Marlon Sneek ta hendenan inconfiabel. Tristo pa 12 Parlamentario di AVP grita voor pa algo asina inmoral.

Laga si ta “Buchi Juan” como un ciudadano humilde cu ta pasa den duro mester a cay cera pa kisas a horta dos bleki salchicha pasobra e tin hamber. “Buchi Juan” si lo a wordo condena y  “Buchi Juan” lo a perde trabao y salario alinstante.

Marlon Sneek nunca lo a worry cu e dolor di “Buchi Juan”. Sinembargo e caso di corupcion di siglo di AVP cu ta carga e nomber “IBIS” lo bin dilanti segun informacion den luna di Mei y sigur esaki lo bay ta un “high profile case” cu pueblo lo bay sigui hopi di acerca.

Ontheffingnan di 10 miyon florin

Ta trata di e casonan di alrededor 2000 ontheffing cu Paul Croes y AVP tabata duna a cambio di Afl. 5000 florin. E negoshi coruptivo aki apoya pa Marlon Sneek y AVP a kita pan for di boca di alrededor 2000 tata of mama di famia di tur nos hendenan a cambio pa nan a enrikece nan mes.

Si calcula  2000 bes Afl. 5000 florin, bo ta papia di rond di 10 MIYON florin! Sinembargo momento e caso aki wordo trata den e simannan nos dilanti, esaki lo bira publico y pueblo lo haya sa e berdad cu exactitud.

Esaki ta e mentalidad mesquino di AVP. Horta un Pais den tur sorto di forma y spera cu e Pais lo keda aplaudi y sostenebo. Marlon Sneek ta sigui grita den desierto y ta ple homber. Manera un dicho ta bisa “macaco sa cual palo e ta subi”. Duna tempo tempo.

Tur cu a faya lo haya

Marlon Sneek y AVP lo tuma nota  di tur e corupcionnan cu lo wordo investiga unda tur cu a faya lo haya. No por ta asina cu Benny a firma un cantidad di tereno pa Leoncita y famia cual hopi a wordo bendi y a strica miyones riba lomba di e pueblo aki cu patrimonio di pueblo y nada lo pasa? No por ta asina cu amigonan di Benny den su propio kantoor tabata wheel and deal cu tereno a cambio di comision.

Mi ta spera cu ora e bala cuminsa lora Marlon Sneek keda para duro y no dobla. Pueblo a pidi pa un cambio pasobra pueblo a mira y a compronde con su pais tabata  wordo horta y con su pais a wordo endeuda.

Momento cu Marlon mester a para debati den Parlamento durante tratamento di presupuesto recientemente el a scoge pa bay sconde den Fractie Kamer di AVP. Marlon djis pa tur cos ta cla: Baha for di bo cabay robez y hiba bo oposicion een toontje lager.

 

- Advertisement -

DUNA COMENTARIO

Please enter your comment!
Please enter your name here