Home Deporte Britannia a clasifica pa playoff final

Britannia a clasifica pa playoff final

26
0
SHARE
- Advertisement -

ORANJESTAD(AAN)- Despues di a empata contra di Bubali, diasabra 5 di mei den Stadion Frans Figaroa na Noord Britannia  Britannia a clasifica pa playoff final cu empate sin anotacion.

Britannia tabata tin mester minimo un empate pa por a clasifica y cu e empate contra a logra clasificacion.  Bubali ya tabata elimina for di e playoff.

Na di 20′ minuut di wega e equipo di Bubali a haci un cambio caminda cu e Capitan Theric Ruiz #5 a traspasa e banchi di capitan pa su primo Micheal Tromp #17  y asina oficialmente Theric a bisa ayo na

e deporte cu semper el a stima.

Theric tin un trayectoria hopi largo di Aruba su futbol y a yega di milita den e seleccion di Aruba diferente biaha cu tur honor.

Sr Franklin Bareño propietario di e equipo di Britannia y tambe e President a haci entrega di un plaquette y tambe su camiseta #5 cu e tabata hunga cune den e equipo di Britannia, tambe Sra Josie Maduro Vice president di Bubali mester a traha duro pa por a convence Theric pa por a hunga su ultimo wega y asina por a dune e homenage cu e merece.

Despues di esaki wega por a sigui caminda cu e wega ta termina sin anotacion, e wega riba su mes tabata un wega caminda no tabata tin casi ningun armacion di peliger.

E wega a wordo dirigi pa e Refree R de Leca ,asisti pa R Dirksz y L Trimon y na mesa A. Werleman.

Den e otro wega cu a tuma lugar na CDGT Dakota ta gana RCA 2-0 y asina tambe RCA ta keda for di Playoff Final.

Equipo nan cu a clasifica ta #1 Dakota #2 Estrella # 3 Nacional y #4 Britannia.

 

 

- Advertisement -

DUNA COMENTARIO

Please enter your comment!
Please enter your name here