Home Cultura Bunita ceremonia pa conmemora victimanan di gueranan

Bunita ceremonia pa conmemora victimanan di gueranan

92
0
SHARE
- Advertisement -

ORANJESTAD(AAN)— Ayera tardi a tuma lugar e ceremonianan di Conmemoracion di esnan cu a bira victima di e di dos guera mundial y tur guera na mundo. Un programa bunita e wordo prepara pa esaki. Despues di yegada di Gobernador e apertura y oracion di parti sacerdote di Marinierskazerne, a tuma lugar ponemento di krans.

E prome krans a wordo poni pa Gobernador Sr. Alfonso Boekhoudt den compania di su ayudante.

Mesora despues a sigui cu 2 minuut di silencio despues e tocamento di himno di Hulanda y di Aruba.

E atleta Tiara Petrochi a recita un poesia na number di hubentud di Aruba y mes ora su tras famianan di victimanan di guera y ex soldatnan, ex schutternan a pone krans, prome cu Prome ministro Sra. Evelyn Wever Croes a tene un discurso cortico.

Parlamento, Gobierno di Aruba, representacion di Hulanda na Aruba, Marina Real na Aruba a pone krans y tabata tin tambe ponemento di flor di parti 73 hoben di nos isla di gruponan hubenil, recordando e 73 añanan di conmemoracion di fin di e di dos Guera mundial y victimanan di e guera y tur otro guera despues di esaki  y den operacionnan di paz.

Na final di e ceremonianan Gobernador Boekhoudt sigui pa invitadonan a habri e defile di mariniernan.

- Advertisement -

DUNA COMENTARIO

Please enter your comment!
Please enter your name here