- Advertisement -
ORANJESTAD (AAN): Na Misa Papa Juan Pablo na Tanki Leendert tabata un dia hopi bunita mes pa famia Croes caminda cu Sr Frans Croes a celebra cu 100 aña pasa a ser treci na mundo. E bunita momento aki Frans tabata acompaña pa su yiunan, nietonan y bisanietonan y demas famia.
Pastoor Jan a hasi e bunita Santo Sacrificio di misa unda cu Grupo Melange dirigi pa su yiu Maybelline Arends – Croes a percura pa e musica pa asina hasi e misa hopi bunita.
Na final grupo Melange a canta e cantica cu Frans tabata gusta masha hopi y tabata canta den Koor cu ta e cancion “Rey di Gloria” cu letra di Digna Lacle y Pastor Jan a dune su bendicion. Di parti DIARIO hopi bendicion y hopi aña mas di bida y salud.
- Advertisement -
