Home General CATC y HCC awor ta traha conhuntamente bao e nomber (CATC-HCC)

CATC y HCC awor ta traha conhuntamente bao e nomber (CATC-HCC)

33
0
SHARE
- Advertisement -

ORANJESTAD   (AAN):  Caribbean Accounting and Tax Consultants (CATC) y Henriquez, Croes & Co. (HCC), dos actornan principal den e area di accounting, advisory, impuesto y payroll, a dicidi pa continua conhuntamente entrante 1 di Augustus bou di e nomber CATC – HCC. Cu esaki, e oficina di HCC lo muda na e oficina di CATC situa na J.E Irausquin Boulevard 20-A.

HCC a wordo funda 50 aña pasa door di Mary Henriquez-Croes y su casa. Nan yui, Norman a join e compania na 1996. HCC tin localidadnan na Aruba, Curacao (2008) y St. Maarten (1972). HCC ta un di e kantoornan di accounting- y conseho independiente di mas bieuw y mas grandi na Aruba y St. Maarten, specialisa riba empresanan mediando y chikito.

“Nos ta hopi entusiasma tocante e cooperacion cu CATC. Door di e fusion aki, e conocimento y experiencia por wordo comparti, mas specialidadnan ta wordo desaroya y bo ta obtene e beneficionan di synergia. Asina, ambos oficina por trese calidad, eficiencia y continuidad padilanti na un nivel mas halto unda cu nos lo yuda clientenan mas mihor ainda, den un manera mas amplio y mas rapido,” Norman Henriquez, director di HCC, ta bisa.

CATC ta existi desde 1994 y tin oficinanan na Aruba, Boneiro (2007) y Curacao (2008) y ta conoci manera un organizacion progresivo den e campo di technologia. Por ehempel, CATC tabata e prome oficina na Aruba pa usa e programanan Quickbooks y Payroll Pro, cual ta sumamente popular actualmente. Reint Roossien, director di CATC, ta hopi satisfecho cu e colaboracion nobo: “E organizacionnan ta pas hopi bon cu otro. HCC tin, mescos cu nos, un bon nomber, un base di clientenan leal y un mentalidad no di critica, pero sumamente laboral.”

Internacionalmente tin un tendencia cu oficinanan ta bay hunto. Ta necesario pa aumenta e scala pa sigui ofrece calidad na nos clientenan, cumpli cu e leynan y regulacionnan creciente y inverti den servicionan, innovacion y automatisacion.
Ademas, clientenan kier continuidad, lo cual hopi biaha ta un problema pa organizacionnan mas chikito.

CATC-HCC lo tin despues di e fusion 65 empleadonan cu lo ta trahando riba e 4 islanan, Aruba, Boneiro, Curacao y St. Maarten. Ademas, CATC-HCC ta afilia na e network international PrimeGlobal (primeglobal.net) y e International Fiscal Association (IFA), cual ta hasi cu nan por conseha clientenan na un manera rapido y cu experticia.

Pa e clientenan fiho no mucho lo cambia, sin embargo, desde e fecha di fusion, e clientenan di HCC por hasi uso completo di e specialistanan den impuesto, abogadonan y expertonan di negoshi di CATC.

Pa locual ta trata e relacionnan di ambos oficinanan, semper por conta cu e experiencia, e enfoque orienta na e cliente y e caranan familiar di ambos oficina.
A wordo dicidi di no hasi un recepcion of fiesta, pero pa hasi un donacion na un bon causa.

Riba Potret, firmamento di contract door di Norman Henriquez (HCC) y Reint Roossien (CATC)

- Advertisement -

DUNA COMENTARIO

Please enter your comment!
Please enter your name here