Home Labor Centro Colorado hunto cu DPL ta purba di yuda hendenan local haya...

Centro Colorado hunto cu DPL ta purba di yuda hendenan local haya trabao

17
0
SHARE
- Advertisement -

ORANJESTAD   (AAN):  Departamento di Progreso Laboral ta un instancia cu e funcion di duna ayudo na hendenan local pa haya trabou. Den e cuadro ey Centro Colorado no ta un excepcion caminda cu ta purba pa intermedia pa e personanan aki por haya un interview di trabou. Sr. Richenel Stamper di DPL ta splica.

Esaki ta nifica cu semper e decision final ta wordo tuma pa e dunado di trabou. Pero den todo caso ta keda traha cu e intencion pa purba yuda na esunnan cu tin mas obstaculo pa subi e mercado laboral.

DPL tin pa e grupo aki specifico dos Traject Bemiddelaar, cu ta dos persona cu ta encarga pa dedica mas tempo pa purba aloca e hendenan aki na pia di trabou. Den nos comunidad tur hende ta conoce otro , unda tin biaha e actonan den e pasado ta afecta y ta bay hunga un rol importante den e futuro reintegracion den e mercado laboral..

Por ehempel, tin gruponan den casonan di Seroe Colorado of KIA, unda cu nan ta traha cu e gruponan aki frecuentemente. Tin historianan exitoso pero e ta tuma un tiki mas tempo y esfuerso di DLP pa logra. DPL tin e rol di intermediario caminda cu ta purba di convence na e dunado di trabou pa duna e oportunidad na e personanan aki.

Tambe a keda traha hopi cerca cu Enseñansa pa Empleo mirando cu en berdad tin hende cu tin tiki opleiding ariba nan curiculum pa cual nan ta wordo referi pa haci cursonan entre otro. Enseñansa pa Empleo ta e instancia di gobierno pa haci esaki, caminda cu e ta engrandece nan oportunidad pa subi mercado laboral.

DPL ta haciendo esaki pa e ultimo añanan aunke hopi biaha luz no ta wordo poni riba esey. Pa DPL e ta un satisfaccion y un orguyo pa por yuda e gruponan aki pasobra cu riba nan mes ta hopi dificil of kisas imposibel pa nan logra un oportunidad laboral nobo, segun Sr. Richinel Stamper, di Departamento pa Progreso Laboral, DPL.

 

 

- Advertisement -

DUNA COMENTARIO

Please enter your comment!
Please enter your name here