Home Social Centro Kibrahacha ta mira necesidadnan cu tin riba tereno di biehecimento

Centro Kibrahacha ta mira necesidadnan cu tin riba tereno di biehecimento

22
0
SHARE
- Advertisement -

Sr. Jeffry Matos:

ORANJESTAD (AAN) — Centro Kibrahacha como centro di actividadnan na Aruba a haci diferente investigacion y tin como vision pa sigui crece y amplia su actividadnan, pa por cumpli cu e necesidad cu tin den nos comunidad.

Un di e necesidadnan aki ta atende cu e grupo 60 plus pa nan ta activo.

Señor Jeffry Matos, director di Centro Kibrahacha a amplia riba e tema den entrevista cu nos redaccion.

Ta un hecho cu edad a keda crece y tin mas necesidad, y como meta den e fundacion tin pa inclui na tur e 60 plus cu ta den comunidad di modo cu nan lo keda participa.

Na momento cu tin un proceso di biehecimento cu e hende cu a bira grandi ta sinti cu ta wordo exclui riba topico di participacion den comunidad, esaki ta bira un problema grandi riba nos isla.

Den relacion cu e encuentro cu Grupo Nucleo, sr. Matos a expresa cu esaki ta hopi interesante unda cu diferente grupo, di manera boluntario, a mustra interes pa yuda esnan di 60 plus na Aruba.

E boluntarionan aki ta sirbi pa logra un meta hopi importante y cu ta un necesidad unda cu si por mira un bes cu gruponan asina ta uni forza, e ta significa sigur cu tin un necesidad pa wordo scucha di kico nan ta haci y locual cu nan ta sirbi.

Riba esaki tin hopi trabou di haci na unda cu e unico manera pa por logra metanan grandi ta pa uni forza den un solo organizacion. Awor, mirando tur e preocupacionnan pa logra pa e mayornan ta mas den movecion y keda creativo pa nan no muri pasobra nan a bira grandi tin pasonan cu ta cuminza wordo tuma y Centro Kibrahacha como fundacion, ta traha hunto cu gobierno unda cu e maneho di nan organizacion ta dirigi riba e necesidad di e comunidad.

Mas leu por mira cu segun añanan ta pasa y cifranan ta mustra cu ta bay tin mas necesidad pa e tipo di actividadnan asina, ta kere cu a yega e momento pa fiha un maneho pa un periodo mas largo di mas di cuater aña na unda lo papia di e situacion awe pero tambe tin cu mira riba e situacion cu Aruba lo bay encontra aki diez aña, unda cu por a mira bek y presenta cual tabata e maneho, anto cu un periodo mas largo por atende di un miho manera cu e situacion.

Na e momento aki tin hopi punto di atencion pero sigur un maneho mester wordo dirigi riba e futuro maneho di biehecimento na Aruba. Cifranan ta mustra cu tin un poblacion total di 119000 registra na censo, anto casi 19 mil persona cu ta 60 plus.

Mirando con e cifranan ta bayendo, pa cuminza ta importante prepara un maneho, pero tambe mester concientiza e hendenan den nos comunidad unda cu un hende grandi unda si ta keda mas largo den sector laboral ta hopi positivo, pero na momento cu mester sali tin cu wak unda e por bay keda participa ya sea den trabou boluntario y con activo por keda den diferente area de su interes, anto riba esey mester fiha e maneho y prepara e persona tambe.

- Advertisement -

DUNA COMENTARIO

Please enter your comment!
Please enter your name here