Home Comentario Chofer di autobus cu actitud vergonzoso cu diez pasahero abordo

Chofer di autobus cu actitud vergonzoso cu diez pasahero abordo

34
0
SHARE
- Advertisement -

Si e bolbe subi caminda DTP well por cera

ORANJESTAD (AAN) — Algun usuario di transporte publico, mas tanto autobus, a tuma contacto cu nos redaccion pa denuncia un caso cu nan ta haya masha vergonzoso mes, y a indica cu autoridad policial y Departamento di Transporte Publico ta na haltura.

Ta trata di un chofer cu ta core e ruta di San Nicolas, y cu den e siman aki a dicidi pa tambe hiba algun pasahero te area di hotel.

E tabata haci straño, segun un par di pasahero, y na dado momento a ocasion un dalmento. Ora autoridad a bin, a haya e homber bao influencia di  substancia, y casi sunu pasobra el a kita su paña y laga na bista publico su partinan intimo.

Segun un usuario e persona aki no ta naci na Aruba. E ta un residente procedente di un pais cerca di nos na Sudamerica, y di biaha a aclarea cu no ta di Venezuela.

E usuarionan a indica cu DTP ta al tanto di locual a sosode y a expresa “Si e chofer aki ta bolbe subi caminda DTP ta well por cera!

E gremio di chofernan di autobus, aparentemente, tur ta masha indigna cu locual a sosode. Nan tambe ta pendiente di ki paso DTP ta bay tuma, pasobra e acto di e chofer aki ta di mas, un falta di respet total pa e trabao digno aki y pa e usuarionan cu merece un servicio di calidad y cu decencia!

- Advertisement -

DUNA COMENTARIO

Please enter your comment!
Please enter your name here