Home Policial Cinco turista femenino americano deteni pa maltrato di otro muher americano.

Cinco turista femenino americano deteni pa maltrato di otro muher americano.

300
0
SHARE
- Advertisement -

ORANJESTAD (AAN): — Diamars merdia pa cas 4’or patruya  Oranjestad a bay atende un caso na altura di Seaport Convention Center.

Parce cinco hende muher tabata hasi fastioso y tabata comporta nan mes fresco contra personal encarga cu seguridad.

Na yegada patruya a papia cu un di guardianan di e hotel  den vecindario.

E guardia a declara cu cinco hende muher cu ta riba pier un rato prome a maltata un muher y cu e victima a haya herida na banda drechi di su cara . Ademas el a declara cu e victima ta den oficina di  e personal encarga cu seguridad y e ta wordo trata medicamente.

Relaciona cu e situacion a wordo solicita pa algun colega hende muher riba servicio pa bin duna un man debi cu tin cinco hende muher sospechoso pa atende.

Polis a bay cerca e victima , mientras e coleganan a para e cinco muhernan turista tras di Convention Center.

E victima ta un turista hende muher di nicial R.M. y polis a constata cu e tin rasca na diferente parti di su curpa entre otro na cara banda drechi, pia banda drechi ariba, na pecho drechi y robez.

R.M. a declara di tabata sinta na bar di pool y cada biaha e tabata wordo muha pa e muhernan en cuestion debi cu e muhernan tabata actua y comporta nan mes bruto.

El a bisa di a papia cu e muhernan y a puntra nan pa stop cu e wega di spat awa.

Debi cu cada baihe e tabata wordo muha. R.M. a declara cu e situacion a sali for di man y cu e cinco muhernan a atak’e.

Tur e sospechosonan a wordo deteni y tur ta turista.  Nan ta A.H  di 26 aña naci na Merca  , B.V.C naci na Merca  di 24 aña,  T.R  tambe di 24 aña naci na Merca ,  A.M.S. di 33 aña tambe naci na Merca  y S.C. di 24 aña tambe naci na Merca.

Nan tur a wordo transporta pa warda di polis Oranjestad y a presenta nan dilanti fiscal auxiliar y nan a wordo entrega na departamento di recherche pa mas investigacion.

 

 

- Advertisement -

DUNA COMENTARIO

Please enter your comment!
Please enter your name here