Home Parlamento “Coalitieheffing” ta nifica inicio di un deterioro social-economico

“Coalitieheffing” ta nifica inicio di un deterioro social-economico

19
0
SHARE
- Advertisement -

Segun Parlamentario Richard Arends:  

ORANJESTAD   (AAN):    Manera cu a wordo anuncia caba den fin di siman, e ley cu ta regla e ‘crisisheffing’ a yega Parlamento. E ley aki ta regla gran parti di e 130 miyon adicional cu Gobierno tin presupuesta na entrada pa aña 2018, cu ta consisti principalmente di aumento di BBO y BAZV. E entradanan aki ta destina pa cubri gastonan nobo di e Gobierno actual.

Un ley cu un embergadura asina grandi y cu efectonan enorme pa e costo di bida pa esnan di mas vulnerable, e pensionadonan, empresarionan chikito y independiente a wordo presenta sin un consulta debido cu sindicatonan, dunadornan di trabow of gremionan comercial.

   Gobierno no tin compensacion adecuado pa empleadonan den sector priva, pa ambtenaarnan, pa esnan cu ta biba di bijstand y tampoco pa empresanan chikito.  Mientras cu ta hiba un asina yama maneho unda cu e ser humano lo ta central, ta kita e reparatietoeslag for di casi 10,000 pensionado. “Ta indignante pa constata cu e pensionado mes lo paga pa su reduccion di prima di AZV, cu tanto Gobierno a promete, cu eliminacion di reparatietoeslag,” Sr. Arends a declara.

E pensionado cu tin un entrada di 2500 florin lo a bay dilanti cu 100 florin cu e reduccion di prima di AZV, pero na mes momento ta bolbe bay atras cu eliminacion di su reparatietoeslag di 100 florin. Riba dj’e e aumento di BBO y BAZV lo ranca casi 200 florin ainda di dje door di e efecto acumulativo.

“Lo cuminsa cobra BBO y BAZV hasta riba carchi di telefoon y seguronan” Ademas di e ‘coalitieheffing’ aki, prijs di gasolin, awa y coriente lo aumenta tambe sin cu gobierno tin un maneho pa mitiga e efectonan aki.

“Un situacion sumamente preocupante, pasobra Gobierno ta introduci un aumento belasting ciegamente,” Sr. Arends a declara. No tin ningun conseho di SER, Banco Central, Departamento di Asuntonan Economico, Departamento di Impuesto of CBS e efectonan di costo di bida y inflacion.

“No tabata tin ningun esfuerzo sincero pa reduci e gastonan den presupuesto. gastonan di Gobierno a aumenta cu 125 miyon di florin compara cu e realisacion preliminario di presupuesto 2017. E pretexto cu e aumento di BBO ta pa paga proyectonan di PPP ta fofo. A cuminsa paga proyectonan PPP for di algun aña caba y nan semper a forma parti di e cuadro financiero.

“Si e aumento di BBO tabata di berdad pa cubri gastonan di infrasturtura y desaroyo urbano, Gobierno lo mester a hink’e den un fondo manera tempo di FDA,” Sr. Arends a bisa. “E ‘coalitieheffing’ ta meramente pa financia maneho nobo y ta consisti di aumento di BBO, BAZV y accijns, pero tambe di entradanan incidental na dividendonan di empresanan estatal, reservanan y demas fondonan publico.”

E mesun informenan di Gobierno ta confirma esaki, como tambe e carta reciente di CAft cu ta confirma e aumento excesivo di gasto, pero den caso cu bin un KB, esaki lo ta riba priopio merito di e gobierno actual, Parlamentario Richard Arends a finalisa bisando.

“Ta di lamenta cu coleganan den coalicion ta acepta esaki sin mas, mientras cu den e mesun rosea ta boga pa respet pa nos institucionan consitutional y independisacion di Parlamento,” Parlamentario di fraccion di AVP, sr Richard Arends ta mustra.

 

 

 

 

- Advertisement -

DUNA COMENTARIO

Please enter your comment!
Please enter your name here