Home Enseñanza Colegio EPI a presenta proyecto internacional nobo pa nan studiantenan

Colegio EPI a presenta proyecto internacional nobo pa nan studiantenan

158
0
SHARE
- Advertisement -

ORANJESTAD (AAN): Colegio EPI a presenta proyecto internacional nobo pa nan studiantenan hunto cu Buro BEUK. Segun Gerlien Croes, beleidsfunctionaris di Oficina di Relacionnan di Union Europeo y Reino (BEUK). BEUK ta encarga cu diseminacion di informacion pa loke ta trata programanan specialmente pa Europa.

E programa especifico aki, conoci como Erasmus+ ta un fondo cu Aruba cu tin lazonan cu Union Europeo, ta duna nan acceso na algun subsidio, na unda nan por ofrece proyectonan cu ta wordo cubri financieramente pa studiante, maestro y staff, cu por viaha bay afor y asina haci proyectonan, no solamente den paisnan cu ta miembro di Union Europeo, pero otro socionan manera Merca. E biaha aki nan a haya aprobacion pa 18 studiante di EPI bay Alemania pa un training.

BEUK tabatin mas cu un aña y mey activo, treciendo informacionnan na diferente institucion y scolnan, y EPI tabata prome riba lista cu nan a acerca. E scol ta hopi contento pa e oportunidad aki y comprometi pa esaki ta un exito.

Croes a probecha y bisa na Sra. Iraika Yanez, kende a haci un tremendo trabao y a sigui tur procedimento manera mes ta pa logra haci un peticion pa un proyecto y a lo largo aproba, cu a duna EPI un oportunidad asina grandi pa studiantenan, kendenan pa prome biaha lo participa den un training na Alemania.

El a agrega cu nan lo sigui haci nan esfuerzonan pa logra mas institucionnan cu comunidad por participa na dje y asina habri mas oportunidad pa hobennan studiante di Aruba.

Pa loke ta trata parti di EPI, Sra. Iraika Yanez, director di educacion di Colegio EPI a indica cu nan ta hopi contento cu 18 studiante lo tin oportunidad pa bay Alemania pa sigui un training, loke ta conoci como ‘vocacional educacion training’ den un compania Aleman yama WBS.

El a indica cu nan mester a traha plannan pa yuda studiantenan aplica pa e proyecto, pa asina cuminsa cu proceso di scoge e grupo di studiante cu lo participa den e proyecto.

Segun Yanez, WBS ta duna paketenan completo cu ta inclui estadia, cuminda y transporte. Eramus+ ta cubri e parti di pasashi, gastonan adicional individual, y e gastonan pa e compania di e training. El a bisa cu esaki ta un logro hopi grandi pa EPI y den futuro nan ta spera cu mas studiante y docente por participa den e proyecto.

- Advertisement -

DUNA COMENTARIO

Please enter your comment!
Please enter your name here