Home Gobierno Costa Rica ta habri pa yega na convenionan cu Aruba riba tereno...

Costa Rica ta habri pa yega na convenionan cu Aruba riba tereno di medicina

129
0
SHARE
- Advertisement -

Prome Minister sra. Wever-Croes a splica:

ORANJESTAD (AAN) – Na Costa Rica, Minister Presidente sra. Evelyn Wever-Croes, a purba di haya un cita cu e Minister di Salud Publico, pero lamentablemente no a logra debi cu el a yega aya, net na momento di traspaso di mando.

Asina el a splica den conferencia di prensa contestando un pregunta.

No obstante, el a reuni cu e Minister di Educacion, con ken si el a logra di haci cierto palabracionnan.

Riba tereno di salud nos prome mandatario a comenta na Presidente di Costa Rica, Carlos Alvarado Quesada, y a dune elogio tocante con bon e sistema di salud ta den e pais y kico na Aruba nos ta kere cu mester bay haci encuanto un posible colaboracion.

E mandatario a subraya cu nan ta hopi habri pa yega na convenionan cu Aruba, y esaki ta un mensahe cu e ta trece bek pa nos Minister di Salud sr. Dangui Oduber.

Aya, e dignatario a combersa na mas cu un ocacion cu nos studiantenan mes, y nan ta hopi entusiasma cu e idea y a elabora plannan con Aruba por scapa placa.

Por ehemplo, AZV ta manda un persona pa haci un operacion na wowo na Miami cu ta costa cinco of seis biaha mas cu na Costa Rica, simplemente pasobra nos no tin e contactonan.

Prome Minister a encarga nos studiantenan cu ta casi caba pa termina nan estudio, pa haci e contactonan pa Aruba. Y esaki ta un tipo di informacion cu e dignatario ta haya hopi valioso, y a comenta esaki cu Presidente Carlos Alvarado y esaki ta un aspecto cu lo bay traha mas riba dje.

- Advertisement -

DUNA COMENTARIO

Please enter your comment!
Please enter your name here