Home Comercio Crest + Oral-B ta hiba bo disfruta di e concierto di Shakira...

Crest + Oral-B ta hiba bo disfruta di e concierto di Shakira na Miami

30
0
SHARE
- Advertisement -

Gana un viahe completo pa dos persona

ORANJESTAD (AAN): Crest y Oral-B ta marcanan confia pa profesionalnan rond mundo y ta presente den miyones di hogarnan. E marcanan aki ta ofrese productonan practico pa henter famia y no solamente ta duna consumidornan un smile captivamente pero tambe ta sigura e limpiesa y salud di nos dientenan y boca.

Desde un skeiro di diente manual, pastanan den diferente smaak pa trata diferente problema, te na e Magic Timer™ application pa smartphones of iPads di Oral-B cu ta siña muchanan con pa skeiro nan diente den un manera divertido y e skeiro di diente electrico cu e ultimo tecnologia pa comunica cu bo smart phone y duna bo feedback riba bo tecnica di skeiro diente. Crest y Oral B ta e marcanan cu ta set e trend den hygiene oral.

Papiando cu diferente dentista local nos ta mira un falta di conocemento den comunidad pa loke ta un regimen di salud oral completo y e importancia di tin un boca saludabel pa bo salud completo, no solamente skeiro bo djente 2 biaha pa dia, pero por ehempel hacie pa por lo menos dos minuut y uzo di floss pa yega na areanan cu un skeiro di diente no ta yega. P’esey Crest & Oral-B ta cuminsa e luna aki cu un tour unda lo bishita diferente districto y punto di benta pa comparti recomendacionnan di dentistanan local y internacional cu nos comunidad. Adicionalmente pa incentiva e uso di e regimen y habitonan oral saludabel nos ta lansa un campaña sumamente atractivo.

Cuminsando awe y te fin di Juli, cumprando productonan di Crest y Oral-B consumidornan ta participa pa gana tickets pa e concierto di Shakira na Miami dia 18 di Augustus, 2018.  E premio ta inclui e viahe completo, ticket aereo y hotel pa dos persona y US500.00 cash.

Shakira ta brand ambassador di Crest y Oral-B y ta e mihor ehempel di con un smile tin e poder pa captiva. Naturalmente e ganador lo ricibi tambe su pakete completo di Crest + Oral-B, incluyendo e Oral-B Pro 5000 Electric Toothbrush cu Bluetooth Connectivity cual ta conecta cu su smartphone via e Oral-B app y dune real-time feedback riba su tecnica pa skeiro diente.

Participa ta masha facil, djis cumpra 3 diferente producto di e regimen di Crest of Oral-B y deposita bo recibo original cu bo nomber, adres y telefon den e caha promocional na punto di benta participante of na Compra ltd, distribuidor di Crest y Oral-B na Aruba!

Ultimo dia pa participa ta July 29. Importante ta cu e ganador y persona cu ta acompañe mester tin tur documento valido pa viaha pa Miami, Florida dia 17 di Augustus, 2018. Transforma bo SMILE y Join nos na Miami cu Crest Oral B!

 

- Advertisement -

DUNA COMENTARIO

Please enter your comment!
Please enter your name here