Home Cultura Danniel Willems a keda sumamente contento cu e por a cumpra un...

Danniel Willems a keda sumamente contento cu e por a cumpra un conga

136
0
SHARE
- Advertisement -

ORANJESTAD (AAN) – E hoben Danniel Willems Diaranzon tabata sumamente contento cu e por a logra un soño di dje pa cumpra un Conga.

Danniel ta ciego, pero esey no ta strobe den su pasion pa toca y canta.  El a yega di canta den festival di Himno y Bandera y tambe di festival di Dande.

Tempo cu e tabata na Hulanda tambe el a participa na e festival di Dande y a causa hopi emocion ora di wak e canta. Pa e por a pasa su les di canto el a canta un bunita wals tambe titula “Nami un chens”.

Danniel ta toca hopi bon tambe ariba piano. Y e ta toca un biaha pa luna den misa di Pos Chiquito, caminda awor e ta bay haci 3 aña tocando eynan.

For di 2014 el a cuminza siña toca conga cerca Fio Wester. Y semper e tabata tin e deseo di haya su propio conga pa e toca na cas.

Riba Dia di Rey, Danniel a bay cu su piano dilanti di Superfood caminda el a entretene e publico presente y asina recauda fondo pa e logra su soño. Esnan presente a keda masha encanta mes cu su presentacion y a contribui grandemente cu Daniel, cu Diaranzon mainta mes Daniel por a cumpra su set di Conga.

Danniel a keda masha contento cu e gesto di e publico presente y a pasa na oficina di DIARIO pa pidi pa publica su gradicimento na tur hende cu a coopera cu ne cu awe e por tin su conga pa asina e por sigui desaroya su hobby di tocamento riba conga.

Sigur den futuro lo bay tende hopi mas di Danniel, ya cu awor e tin su piano y conga y e mes lo sigui inspira pa e trece su propio cancionnan riba mercado.

 

- Advertisement -

DUNA COMENTARIO

Please enter your comment!
Please enter your name here