Home Enseñanza Den Enseñanza tambe lo duna Papiamento su lugar mereci

Den Enseñanza tambe lo duna Papiamento su lugar mereci

13
0
SHARE
- Advertisement -

Minister Rudy Lampe:

ORANJESTAD (AAN) – Den e luna di Mei aki, cu a celebra nos Idioma Papiamento y a pone central, tambe a surgi un discusion interesante, inicia pa meneer Arnoud Kwijpers y tocante e tema aki  tabata presente tambe Juffrouw Esther Stroucken y Parlamentario sra. Sue Ann Ras y a hiba palabra.

E discusion aki a bira viral den rednan social, tocante si nos enseñanza mester continua cu examen na Idioma Hulandes.

E mandatario a indica cu na e momentonan aki, locual ta un problema cu pa hopi aña ta biniendo dilanti, studiantenan cu a pasa examen di kimica (scheikunde) e ultimo simannan a bolbe experiencia y tabata tin hopi noticia al respecto.

Esaki den sentido cu a resulta cu mas bien e examen tabata formula den un Hulandes hopi complica y textonan hopi largo cu na lugar di test e conocimento di scheikunde tabata mas bien test e dominio di Hulandes.

Esey ta inhusto pa nos mucha y nos hobennan.

“Pa tal motibo, mi ministerio ta bay institui un grupo di trabao pa haci un inventarizacion di e problematica aki, y presenta tambe posible solucionnan, pa duna un di dos oportunidad na tur nos studiantenan, y nos no por continua cu e situacion aki cu envez di evalua nan capacidad y conocemento, nos ta bezig ta perhudicando nan, pasobra nos ta bezig ta evalua y examina nan dominio di Hulandes, y nos tur sa cu Hulandes no ta nos idioma materno”, e mandatario a subraya.

Den e direccion aki di duna Papiamento su lugar mereci den nos sistema di enseñanza, ya nos a anuncia caba nos plannan pa scol multilingual.

“Den e caso aki mi por bisa cu Gobierno y Parlamento, e fraccionnan cu ta sostene Gobierno, nos ta uni den e proposito di duna Papiamento su lugar mereci den nos sistema di enseñanza. E no por otro. Gobierno riba su so no por realiza e plannan aki. Mester traha cu parlamento conhuntamente cu Parlamento di Aruba”, e dignatario a expresa.

 

 

- Advertisement -

DUNA COMENTARIO

Please enter your comment!
Please enter your name here