Home Salud Departamento di Salud Publico ta haci un yamada na e grupo di...

Departamento di Salud Publico ta haci un yamada na e grupo di riesgo pa vacuna contra influenza

148
0
SHARE
- Advertisement -

E ta gratis

ORANJESTAD   (AAN): Departamento di Salud Publico den luna di December a ricibi un cargacion di vacuna contra Influenza pa temporada 2017/2018.

Atraves di medionan di comunicacion a informa comunidad, specialmente e grupo di riesgo cu ta personanan riba 60 aña y muchanan bou 5  aña, tambe personanan cu malesa cronico manera diabetes- presion halto- cholesterol- triglicerido-asma- obesidad –problema di corazon – riñon y cu un sistema inmunologico abou pa motibo di embaraso- Hiv of cancer,  pa pasa libremente busca nan vacuna na seccion di Malesanan Contagioso completamente GRATIS.

Na e momento aki seccion di Malesa Contagioso tin un cantidad di vacuna disponibel ainda  y teniendo na cuenta cu na Europa y America ta keda un alerta vigente pa cu Influenza debi na e cantidad di complicacion y morto cu e ta ocaciona cerca principalmente e grupo di riesgo, Departamento di Salud Publico ta haci un suplica na principalmente e grupo di riesgo pa acudi mas pronto posibel na seccion di Malesanan Contagioso pa busca esaki.

Premirando cu juli vakantie ta serca, un temporada cu hopi residente ta bay den exterior pa vakantie y tambe Aruba ta wordo bishita pa hopi turista. Ta hopi importante pa e grupo di risico ta proteha. Departamento di Salud Publico ta conseha jufrounan y leidsternan di scol, cresh y traimerdia pa busca e vacuna contra Influenza pa por yuda proteha nos muchanan tambe.

Pa mas informacion por tuma contacto cu seccion di Malesanan Contagioso di Departamento di Salud Publico na 5224200.

 

- Advertisement -

DUNA COMENTARIO

Please enter your comment!
Please enter your name here