Home Policial Diferente cambio lo bin den examen pa rijbewijs

Diferente cambio lo bin den examen pa rijbewijs

309
0
SHARE
- Advertisement -

ORANJESTAD (AAN) –Departamento di Rijbewijs tin un falta di personal hopi grandi. Den e sistema bieu tur cos ta oral, pesey ta depende di personal pa examina e cliente.

Den entrevista cu nos redaccion, señor Alex Pietersz, di Unidad Motoriza a referi na e tema aki.

El a bisa cu un bez cu otorgamento di rijbewijs cay atras, e retraso ta bira mas grandi. E examen pa rijbewijs mester keda actualiza na e situacion di trafico. Mas aspecto a cuminza cambia, e examen di rijbewijs mester wordo adapta a base di e infrastructura pa locual ta bira moderno den trafico.

For di aña pasa a cuminza traha riba dje, cu lo bin cu examen escogencia multiple, pa esun cu ta conoci cune. Tur cos ta bin riba potret, pa mustra e situacion manera e ta riba caya. Mayoria hende sa kico e borchinan ta nifica. Pero mester sa con pa uza e conocimento aki, y aplica e reglanan di trafico.

Pa duna un simpel ehemplo, e señal rondo blou y e cuadra blou: Den e ley bieu, e rondo ta mustra un direccion, pero den e ley nobo, e ta un obligacion. Pero e cuadra ta caminda di un solo direccion. E ora ey, e examen lo bay ta riba e conocimento di pasa tur e preguntanan. A haci un test cu e examen caba.

E programa ta hinca den otro, cu lo por pasa tur cuater categoria den tur cuater idioma, ta a base di ora cu bo inscribi, bo ta haya un code, ora di tik e code e categoria y idioma cu bo a paga pe, ta “pop up”. E sistema ta papia hopi suave.

Por haci un klas di 10 te 30 hende pa ora mes. Pero e practica ta keda a base di personal. Mester di mas hende pa caba e parti aki. A bin cu e model di examen, dus tin varios compania cu por handle.

E otro parti ta cu mester tene cuenta cune, cu ora di amplia e examen di 15 pa 25 pa dia pa di 60 pa 80 pa dia, e administracion tambe mester wordo actualiza. Dado momento a yega na un punto cu e decision ta den man di gobierno awo, pa dicidi cual compania ta bay cun’e y ki programa di administracion ta bay uza y tin cu bay “vul aan” e coleganan pa e trabao.

Polis no ta traha e sistema, antes tabata uza ACPOL unda cu polis tabata wordo “voer in” tur cos den ACPOL. E software mester wordo actualiza, ya cu tur cos ta den sistema bieu. Tur cos ta wordo haci manualmente ainda.

E tempo awo ta depende di gobierno cu tin cu bay sinta y wak cual ta e compania cu e miho oferta. E decision mester wordo duna a base di Korpsleiding y gobierno ken ta gana e destaho pulico. Un bez cu e decision wordo tuma, den dos luna Bureau di Rijbewijs ta cla pa cuminza.

E situacion ta den man di e minister di husticia actualmente, pero un bez e decision wordo tuma, tur cos ta wordo hinca den sistema, prepara e preguntanan y cla. Pa loke ta e Rijschoolnan, nan tambe lo mester adapta con nan ta dunando les.

Aworaki ta haya un lista di 80 pregunta, siña esaki y bay pasa bo examen. Pero ora di escogencia multiple, bo ta haya un map, cu potret di situacionnan cu mester wordo adapta.

E practica tambe lo wordo adapta; direccion y maniobranan cu bo tin cu bay haci. Dus e rijschool tambe lo mester adapta con nan ta duna les di rijexamen. Pero e rijschoolnan aki ya caba ta na haltura di e cambionan na caminda, y ora e momento yega, nan lo wordo envolvi den e cambionan.

E diferencia entre Aruba y paisnan grandi ta cu tin companianan grandi cu ta traha e mapnan di material di les.

No ta na KPA pa traha esaki pa e rijschoolnan, esey ta keda na nan, segun sr. Alex Pietersz, di Unidad Motoriza di Cuerpo Policial.

 

 

 

- Advertisement -

DUNA COMENTARIO

Please enter your comment!
Please enter your name here