Home Salud Dokter Corina Rolfast: 70 substancia den un sigaria ta causa cancer

Dokter Corina Rolfast: 70 substancia den un sigaria ta causa cancer

141
0
SHARE
- Advertisement -

ORANJESTAD(AAN): Dokter di Cas, Corina Rolfast, ubica na Dakota, ya a yega di papia riba malesanan cardiovascular, durante e conferencia di prensa semanal di Departamento di Salubridad Publico. Cu humamento ta un factor di riesgo pa malesanan cardio vascular. E biaha aki e ta papia di humamento como un causa pa cancer.

Locual ta algo cu hopi hende sa caba cu Humamento ta causa cancer di pulmon. Locual cu hopi hende no sa, cu por causa otro tipo di cancer tambe. E por causa cancer di garganta, cancer di boca, cancer di stoma, cancer di tripa, cancer di blaas, cancer di riñon, cancer di pecho. Tin hopi otro tipo di cancer cu tambe ta causa pa humamento.

E prome pregunta lo ta, pakico humamento ta causa cancer of miho bisa, kico tin den e sigaria cu ta asina cancerogenico.

Dr. Rolfast a comenta, cu den sigaria tin 5000 tipo di substancia. Entre otro veneno di raton, catium, cual ta haya den bateria. Amoniak, cual ta wordo uza pa haci cas limpi, pesticida y asina tin miles di otro producto. Di e 5000 substancianan aki, 70 a keda comproba cu ta cancerogenico. 8% di nos poblacion ta huma y por ta esaki ta mas tanto door cu no tin un bon manera pa registra. Na Hulanda esaki ta 30%. Aki na Aruba e cancer cu ta mas comun, ta cancer di cuero, pero e cancer cu tin mas mortalidad ta cancer di pulmon.

Pa aña, tin hopi hende ta fayece na Aruba door di cancer di pulmon. Tambe mundialmente humamento ta e causa mas grandi di morto prematuro. E ta baha e expectativa di bida. Un grupo di hende cu ta huma sigaria, si bo ta huma sigaria, bo tin tres biaha chens mas halto di fayece, cu un hende cu no ta huma.

90% di e casonan aki, no ta wordo causa pa humamento. E causa ta echt demostra caba. Locual tambe dr. Rolfast a menciona, si bo ta un hende cu ta huma, ta hopi importante pa tene cuenta cu hopi hende. No huma bo yiunan den cas, cu bo pareha of trabao, pasobra tambe ta comproba cu locual ta second hand smoker, tambe por causa cancer. Si bo ta un hende cu nunca no a huma, pero tur dia ta den un medio ambiente di un hende cu ta huma, chens ta 20% mas halto pa haya cancer, compara cu un hende cu no ta huma den un medio ambiente sano. Bo por ta un hende cu nunc b’a mishi cu un sigaria, pero bo pareha ta huma, of bo ta traha por ehempel den un casino, caminda cu nan ta huma y e chens pa haya cancer ta mas halto.

Pa aña na Hulanda 20 mil persona ta fayece door di humamento, y pa motibo di second hand smoking esaki ta entre 2 y 3 mil persona pa aña, cu ta fayece pa motibo di esaki.

E bon noticia ta cu ora bo stop di huma, e riesgo ta baha. Mas tempo bo huma, mas sigaria bo huma pa dia, mas hoben cu bo cuminsa huma, mas e riesgo pa haya daño ireversibel cu por causa cancer. E momento pa stop ta awor aki. Edad mas jong bo stop, menos chens bo tin cu aki 10 aña, e daño ireversibel por bira cancer hasta si bo stop na edad grandi, bo por haya un 6 pa 10 aña di bida adicional.

Esey toch ta hopi importante. No ta importante ki edad tin pa stop. E miho manera ta pa preveni huma sigaria. Pero nunca no ta laat pa stop. Humamento ta un adiccion y cu no ta facil pa stop, pasobra e ta un adiccion, no solamente fisico, pero tambe mental. Locual cu nos dokternan por haci, ta guia e persona den e proceso aki y pa e parti fisico, ora cu stop di huma, e curpa ta pidi pa e nicotina y ta haya cu no por drumi, ta agita. E parti akmi por yuda cu remedinan cu tin un tiki nicotina pa yuda den e proceso aki, pero e mas importante ta e motivacion, pasobra tin e parti mental tambe.

Ultimo biaha dr. Rolfast a menciona cu por acudi na un dokter di cas, unda cu tin e praktijkonderdteunersnan cu tambe por guia den esaki. Pero esey ta na Hulanda e POnan ta studia pa esey. Aki ainda no, pero a bezig cu esey y nan por acudi tambe na e verslavingzorg, pasobra e ta un adiccion mescos cu droga y eynan tambe nan por acudi eynan pa por stop di huma, dr. Rolfast a menciona.

 

 

 

- Advertisement -

DUNA COMENTARIO

Please enter your comment!
Please enter your name here