Home Policial Dos ilegal haya cu cuatro “handgranaat”

Dos ilegal haya cu cuatro “handgranaat”

385
0
SHARE
- Advertisement -

Durante persecusion den Alto Vista

ORANJESTAD   (AAN):   Diamars Polisnan di diferente departamento a bay den accion tras di dos ilegal cu a purba core pa Polis. Informacion di testigonan a drenta cu tin hende actuando sospechoso den e area di Alto Vista.

Ora cu e prome patruya a yega a mira tres hende. Nan a cuminsa core y Polis a  bay nan tras pero tambe a pidi refuerzo. Unidadnan di caya y di K-9 a presenta mesora. Polis a gara e prome mientras cu dos a logra scapa.

Na dado momento e miembro di K-9 a mira e di dos sospechoso drenta mondi. A bay su tras na pia. Tabata un situacion fastioso pa drenta e mondi y asina yega na  e sospechoso. Polis a logra yega na dje y el a resisti tambe.

E detencion no a bay facil. E illegal aki Tabata tin un rugtas cune. Den e rugtas autoridad a bin topa cu cuater granada di man.

Segun informacion e ilegal aki y e otro deteni lo a yega Aruba cu boto den oranan di marduga. Nan Tabata buscando un rumbo pa yega area habita.

Awor tin un total di diez sospechoso entre e 20 ilegalnan cu lo a yega entre dos boto for di Venezuela marduga. Aki por confirma cu tin ilegalnan ta yega tera constantemente y entre nan criminal.

 

 

- Advertisement -

DUNA COMENTARIO

Please enter your comment!
Please enter your name here