Home Labor DPL ta intermedia pa clientenan di Seroe Colorado y KIA haya oportunidad...

DPL ta intermedia pa clientenan di Seroe Colorado y KIA haya oportunidad di trabao

38
0
SHARE
- Advertisement -

ORANJESTAD (AAN)– Departamento di Progreso Laboral (DPL) ta un instancia cu tin e funcion di duna ayudo na hendenan local pa haya trabou.

Den e cuadro aki, clientenan di Centro Colorado no ta un excepcion unda cu DPL ta purba di intermedia pa e personanan aki por haya un entrevista di trabou.

Señor Richenel Stamper, hefe di DPL ta splica tocante esaki.

Esaki ta nifica cu semper e decision final ta wordo tuma pa e dunador di trabou. Pero den todo caso ta keda traha cu e intencion pa purba yuda esnan cu tin mas obstaculo pa subi e mercado laboral.

DPL tin pa e grupo specifico aki dos mediador cu ta dos persona cu ta encarga pa dedica mas tempo pa purba ubica e hendenan aki na pia di trabou. Den nos comunidad tur hende ta conoce otro, unda tin biaha e actonan den e pasado ta afecta y ta bay hunga un rol importante den e futuro reintegracion den e mercado laboral.

Por ehemplo, tin gruponan den Seroe Colorado of KIA, unda cu nan ta traha cu e gruponan aki frecuentemente. Tin historianan exitoso pero e ta tuma un tiki mas tempo y esfuerzo di DLP pa logra. DPL tin e rol di intermediario unda cu ta purba di convence na e dunador di trabou pa duna e oportunidad na e personanan aki.

Tambe a keda traha hopi cerca cu Enseñanza pa Empleo, mirando cu enberdad tin hende cu tin tiki opleiding riba nan curriculum pa cual nan ta wordo referi pa haci cursonan, entre otro. Enseñanza pa Empleo ta e instancia di gobierno pa haci esaki, caminda cu e ta engrandece nan oportunidad pa subi mercado laboral.

DPL ta haciendo esaki pa e ultimo añanan aunke hopi biaha luz no ta wordo poni riba esey. Pa DPL e ta un satisfaccion y un orguyo pa por yuda e gruponan aki, pasobra riba nan mes ta hopi dificil of kizas imposibel pa nan logra un oportunidad laboral nobo, segun Sr. Richinel Stamper, di Departamento pa Progreso Laboral, DPL.

- Advertisement -

DUNA COMENTARIO

Please enter your comment!
Please enter your name here