Home Parlamento Durante presupuesto di pais Aruba e mocion encuanto di turismo medico a...

Durante presupuesto di pais Aruba e mocion encuanto di turismo medico a ser aproba

19
0
SHARE
- Advertisement -

Drs. Mervin Wyatt-Ras:

ORANJESTAD (AAN): Parlamentario drs. Mervin Wyatt-Ras durante Reunion Publico encuanto e presupuesto 2018 di Turismo y Salubridad a presenta un mocion pa introduci turismo medico na Aruba.

Esaki relata na e facilidad di ImSan cu lo bay ser expande y renoba. Na Imsan e.o. lo bay construi un bunker pa radiologia. E costonan ta alrededor di 61 miyon. Tin un bidding pa e diferente companianan cu por traha na e proyecto. Lo tin sosten di y cooperacion cu Baptist Health di Florida cu lo ta acredita JCI y garantisa calidad di cuido.

En bista di esaki Wyatt-Ras a entrega un mocion durante reunion publico pa ora e facilidad ta cla crea posibilidad di turismo medico na Aruba cu tratamento di pacientnan di exterior banda di nos propio pacientnan.

Pa aña mas o menos 200 pacient di Aruba ta ser manda den exterior pa tratamento. Trahando hunto cu Baptist Health lo garantisa e calidad di cuido halto certifica y por crea e posibilidad cu specialistanan por intercambia y haya mas experiencia na un hospital Mericano.

Ademas no tin cu manda pacientnan local pa tratamento den exterior mas paso nan por haya tratamento aki na Aruba mes, locual lo baha gastonan di AZV y lo contribui na un proceso di “healing” mihor y mas rapido pa e pacient local paso e pacient no tin cu laga su yiunan y famia atras ni perde dianan di trabao. E pacient cu lo bin di exterior por keda den un di nos bunita hotelnan y goza di e trankilidad y bunitesa di nos isla durante cu e ta haya su tratamento. Aki por introduci un otro pilar di nos economia.

Den reunionnan di IPKO den presencia di delegacionnan di Hulanda, Corsou y St. Maarten a discuti na varios ocasion tocante cuido specifico riba tereno di oncologia na Aruba. E director di ImSan, dr, Raynherc, na varios occasion a duna presentacion tanto na Parlamento como na diferente conferencianan y tambe IPKO encuanto e facilidad di ImSan y su expansion di servicio oncologico y por bisa cu porfin por cuminsa cu dicho proyecto.

Wyatt-Ras a keda satisfecho cu tanto gobierno como miembronan di parlamento excepto un so a sostene e mocion. E parlamentario ta senjala cu esaki ta un proyecto tambe di gobierno anterior cu ta continua paso e ta un bon proyecto den bienestar di nos hendenan.

 

- Advertisement -

DUNA COMENTARIO

Please enter your comment!
Please enter your name here