Home Actividad Especial ‘E-Aruba Business Seminar’ lo tuma lugar diasabra 9 di Juni 2018

‘E-Aruba Business Seminar’ lo tuma lugar diasabra 9 di Juni 2018

47
0
SHARE
- Advertisement -

ORANJESTAD   (AAN): Na Aruba Bank organisadonan Infinity Media Aruba y The Lab a anuncia oficialmente cu e di tres E-Aruba Business Seminar lo tuma luga proximamente.

E-Aruba Seminar ya ta un concepto conoci y popular unda cu oradornan internacional ta duna varios charla riba topiconan relevante na esunnan cu ta den comercio of kisas lo kier bay cuminsa pronto. E aña aki e lo tuma luga ariba diasabra mainta dia 9 di Juni 2018 na Renaissance Convention Center.

Oradornan

Cu hopi expectativa a haci e anuncio oficial di e oradornan invita cu lo comparti lo ultimo den tendencianan mundial cu Aruba su publico. Entre otro for di Microsoft lo ta presenta Miri Rodriguez. Rodriguez su titulo ta ‘Storyteller & Social Media Manager’ na MICROSOFT y ta biaha rond mundo pa comparti su experticio den mercadeo digital y con ta e miho forma pa trece un mensahe comercial dilanti.

Tambe for di Merca Sr. Mario Vinasco, Marketing Manager Data Analytics di e compania UBER tambe lo comparti e ultimo desaroyonan den e mundo di mercadeo y cu enfasis riba AI (Artificial Intelligence).

Pa completa e lista di oradornan internacional Andrea Vahl tambe lo ta presente. Andrea ta un autor famoso di e buki Facebook for Dummies y a wordo nombra den e lista di e damanan mas importante den social media. Lo tin tambe oradornan y panelistanan local cu lo trece e toke local.

Organisacion

Director di Infinity Media Aruba Sr. Mark Benson Denz a inicia e proyecto aki na 2014 cu exito y e aña aki a uni forsa cu Sr. Diederik Kemmerling di The Lab Agency pa asina produci un evento aun mas exitoso. Cada partner tin nan parti fuerte cu sigur lo traduci den un evento di nivel. Organisadonan a comenta cu pa por organisa un evento di e magnitud aki bo no por haci’e sin partnernan strategico.
Aruba Bank como partner principal cu aporte di Digicel y VCC International a mira e importancia di un evento cu ta duna e comunidad di Aruba e hermentnan pa crea mas exito. Specialmente mirando e clima di Startups na Aruba, pa Aruba Bank e ta importante pa duna e aporte y pa ta presente pa por yuda startups den tur nan fasenan comercial.

Naturalmente Digicel cu productonan corporativo y VCC International cu Payroll Pro tambe ta mira cu ta importante pa inverti den innovacion y orguyosamente ta parti di evento.

 

- Advertisement -

DUNA COMENTARIO

Please enter your comment!
Please enter your name here