Home Editorial EDITORIAL: Mester bin cu investigacion pa stop e pasamento di tereno sin...

EDITORIAL: Mester bin cu investigacion pa stop e pasamento di tereno sin respeta reglanan

730
0
SHARE
- Advertisement -

Ultimo dianan ta hopi den discusion e investigacion cu Parlamentario señora Marisol Lopez- Tromp a pidi pa haci riba ex minister y awor Parlamentario señor Benny Sevinger. Esaki relaciona cu e cantidad di terenonan cu señor Sevinger a haya ta bon di duna na esnan cu el a haya ta bon, sin cu a sigui e reglanan stipula den ROP y sin sigui e procedura di DIP.

Pa colmo, envez di a spera cu señor Sevinger lo mustra grandeza y admiti cu cosnan no a bay bon, el a tuma e postura bergonzoso di expresa: “I don’t give a damn”. Esaki ta un falta di respet grandi pa pueblo. Un mandatario mester para responsabel pa loke el a haci y no bay haci expresionnan asina manera cu e no ta worry cu pueblo mester sufri e consecuencianan di su maneho cuestionabel. Ta ki ehempel señor Sevinger ta dunando na comunidad. Como ex minister, como Parlamentario, ta exigi pa duna respet na pueblo. Ta pueblo a pone señor Sevinger eynan pasobra a kere den dje. Awor cu ta punta dede riba dje, e mester respeta esey tambe y no un actitud bergonzoso asina.

Recientemente por a scucha Minister Otmar Oduber den Parlamento cuestiona tur e forma fraudulento di señor Sevinger. Tur esaki ta duna indicacion bon cla cu mester bin cu un investigacion profundo y señor Sevinger mester para responsabel pa esaki tambe.

No por permiti cu tin indicacionnan fuerte di corupcion ta tuma lugar den Gobierno y e minister cu a haci esaki ta bisa: “I don’t give a damn”. Cu otro palabra Parlamentario señor Sevinger ta bisa cu e no ta worry. Pesey ta na su lugar pa bin cu e investigacionnan y pa Minister Otmar Oduber hiba su maneho pa percura pa e pueblo, e tata di famia, e mama di famia, haya un pida tereno pa por traha su cas y no esnan cu ta yuda e partido cu placa pa eleccion y despues tin cu haya fabornan.

E resultado di eleccion a mustra tambe cu e mayoria di pueblo no kier e bagamunderianan aki mas y pesey mes awe nos tin un Gobierno forma di tres partido. Esey ta e deseo di pueblo pa caba cu e cosnan cu tabata sosode den e Gobierno anterior y señor Sevinger mester para responsabel.

 

- Advertisement -

DUNA COMENTARIO

Please enter your comment!
Please enter your name here