Ekiponan di WEB tin 30 of 40 aña y WEB meter por inverti den equipo nobo

    104
    0
    SHARE
    - Advertisement -

    Edrick Henriquez di SIWA:

    ORANJESTAD  (AAN) — Sindicato SIWA tin un caso pendiente pa  den Corte. Esey ta pa BT’s, cu na parecer di sindicato, mester wordo paga na e trahadornan di planta di awa.  Awor aki tin hopi discusion pa bahamento di coriente, awa y esey ta ok. Pero prome cu gobierno dal e gritonan aki, pero mester wak tambe kico ta consecuencianan, segun sr. Edrick Henriquez di sindicato SIWA .

    Sr. Henriquez ta bisa cu “Grita pa baha ta facil, mescos di otro banda ta grita pa subi, esey ta facil pa haci. Pero trece e cartanan hunto pa yega na un solucion cu ta cumbini e comunidad. Parlamentarionan cu ta pidi esey,  ta wordo invita pa bin WEB y haci e preguntanan directamente na gerencia, unda tur hende a pone cartanan riba mesa di nan deseo pa trece riba mesa.”

    Pa loke ta e blackout di diabierna, tin disgusto di parti di e trahado y locual cu pasa diabierna cu coriente a bay ta mustra cu berdad WEB tin su retonan unda cu director a priminti un rapport cu mester sali pa diabierna. Pero SIWA tambe ta den espera di esey, pasobra nan tambe tin cu wak e situacion con e boilernan ta draai.

    Awor akinan tin e fayo cu a tuma luga, y cu e investigacion lo mester tuma luga pa saca afo kico tabata e fayo. Un total blackout ta practicamente inaceptabel  y mester haya sa kico a sosode y cu mester ta prepara cu e retonan cu ta bin dilanti y tin cu ta prepara.  Na momento cu un black out asina a sosode ta un trabou grandi e ta bira pa e tecniconan. Nan ta hendenan cu ta wordo yama pa bin traha riba nan off day y tin cu traha cu presion halto, mirando cu no tabata tin coriente ni den WEB tampoco.

    Sin duda cu ta momentonan dificil y di hopi stress. E tecniconan cu sa precies kico nan tin di haci pero te ora tin cu rondea, busca, mishi pasobra no por yega start di nobo. Lo mester bay find out kico ta e problema di diabierna. E tecniconan tambe a traha duro, tampoco ta e idea cu algo asina sosode.

    E miembronan mes ta bisa cu e ekiponan aki tin 30 of 40 aña y nan mester haci milagro pa logra. WEB ta gana hopi placa unda cu mester por inverti den e ekiponan. Esey ta un punto di discusion cu tin unda cu mester inverti den mashinnan y mester yega eynan. Ainda ta sperando ariba un masterplan bin ariba mesa.

    SIWA kier bay mas leu ainda, unda no solamente mester trece makinaria nobo pero tambe e trahado mester wordo prepara di nobo.

    - Advertisement -

    DUNA COMENTARIO

    Please enter your comment!
    Please enter your name here