Home Comentario Eleccion presidencial na Venezuela ta parce mas bien un simple formalidad

Eleccion presidencial na Venezuela ta parce mas bien un simple formalidad

31
0
SHARE
- Advertisement -

ORANJESTAD (AAN) — E relato aki ta basa riba opinion di algun ciudadano Venezolano residente na Aruba, cu no ta haya motibo pa tanto compatriota di nan drenta Aruba pa pidi ningun sorto di refugio. Y ta lamentable si, e manera con nan ta analiza e situacion di nan pais.

E hecho cu tin eleccion presidencial na Venezuela Diadomingo awor, tin nos comunidad preocupa, pensando cu lo por surgi un situacion di enfrentamento, y cu nos lo por confronta cu hopi hende di nos pais bisiña drentando Aruba cueste loke cueste.

No obstante, no ta parce cu esey lo ta e caso Dios mediante, pasobra compara cu otro ocasionnan, e situacion ta mustra hopi pasivo na Venezuela. Manera e ciudadanonan a custumbra cu nan sa cu nada ta bay cambia.

E ta hopi tristo si cu no tin entusiasmo, no tin lidernan cu ta bin afo cu mensahenan di speranza, al menos esey no ta refleha den television ni den prensa skirbi.

Kico ta bin afo ta noticianan tocante e sosten cu Nicolas Maduro tin di diferente pais, cu ta sostene e eleccionnan aki, cu no ta nada otro cu un mero formalidad.

Na Aruba, cerca e residentenan tampoco tin ningun manifestacion ya na vispera di eleccion na Venezuela. Ta parce cu ya e poblacion Venezolano a cansa di lucha.

E fiesta electoral cu por mira den diferente pais Latinoamericano, y cu antes tabata hopi grandi na Venezuela, a pasa pa historia. E pais no tin democracia pa celebra. No tin boluntad propio, ni entusiasmo, ni alegria dilanti eleccion.

En todo caso, mester ta pendiente si pasobra tin hende aya cu kizas ta bay uza e tema di eleccion pa cruza frontera mientras cu mayoria di e pais ya no tin gevoel mas pa lucha pa nan derechonan. “Ya Venezuela es un pais muerto en vida!” segun un expresion.

 

- Advertisement -

DUNA COMENTARIO

Please enter your comment!
Please enter your name here