Home Comercio Evento di Aruba Marriott Resort & Stellaris Casino “El Diablito takes over...

Evento di Aruba Marriott Resort & Stellaris Casino “El Diablito takes over the Lobby” a resulta un exito

12
0
SHARE
- Advertisement -

Tur dos dia tabata “sold out”

ORANJESTAD   (AAN): Durante e weekend, Aruba Marriott Resort & Stellaris Casino a tene un evento di kita sobre. Ta trata di un di e eventonan di e “Chef Series” cu ta wordo realiza continuamente na e hotel renombra. E biaha aki a invita e chef mexicano di reconoci na nivel internacional Emilio Macías.

Emilio ta doño di e restaurant El Diablito cual ta un exito na Peru, pais unda e ta radica actualmente. Ta pesey, cu e concepto cu a wordo crea ta esun di “El Diablito takes over the Lobby” cual a resulta un exito rotundo.

Durante diabierna y diasabra anochi e publico, tanto local como turista, por a saborea un seleccion di cuminda exkisito manera Red Snapper a la veracruzana, Chicharrones, Elotitos, Flautas, Tacos, Pambazo entre otro.

Manera Chef Macías a splica, tur e opcionnan aki a wordo traha cu ingredientenan, cual tabata un integracion di e cushina mexicano, peruano y tambe arubiano.   Ademas di esaki tabata tin un menu special di bebida cu e toke mexicano.

Esnan cu a asisti e dianan aki a keda asombra pa e presentacion di e cuminda y sigur pa e smaak delicioso. Banda di esaki, di por a disfruta di un evento “upscale” manera esaki.

Un pabien na Chef Emilio Macías pa e tremendo trabao realiza conhuntamente cu e team di chefnan di Aruba Marriott Resort & Stellaris Casino.

- Advertisement -

DUNA COMENTARIO

Please enter your comment!
Please enter your name here