Home Deporte Exito tur participante “Walk & Run”!

Exito tur participante “Walk & Run”!

22
0
SHARE
- Advertisement -

Subway:

ORANJESTAD: Awe ta e prome dia di e magno evento di Aruba Bank y Subway su Walk & Run. Awe tardi 6:30pm 2500 hende lo sali for di Frans Figaroa y asina tambe duna inicio na e prome dia di e Walk & Run.

4 dia largo 2500 hende lo ta riba cayanan pa complementa e 4 dia nan aki di caminata.  Awe e caminata lo start den districto di Noord.

E bunita di e caminata aki ta cu bo ta wak diferente hende riba caminda. Di coredonan, pa esnan cu ta gusta cana, unda hopi bes ta forma grupo pa bin cana hunto. Tambe hopi hende ta usa esaki como start y haci un challenge pa asina despues sigi cu un bida mas activo.

“Pa nos e Walk & Run ta significa hopi”, Sr. Lee di Subway a cuminsa ta bisa. “E ta un evento cu ta pone hopi hende riba pia. Anto ora bo wak asina hopi hende riba caya ta haci ehercisio como Subway e ta haci nos orguyoso di forma parti di esaki.  Paso nos ta para pa un bida mas activo y saludabel”.

Pa e gran evento aki durante 4 dia largo Subway ta duna tur participante cu presenta cu su BIB y su shirt di caminata bisti 10% descuento riba nan pedido.

Bo por bishita cualkier Subway su 7 localidadnan cu ta situa strategicamente rond di nos isla y cu ja caba for di 7:30am ta habri pa sirbibo e sub nan di mas dushi e fresco na Aruba te cu 11:00pm. Pues awe despues di bo caminata bo por refuel na un di nos localidad nan.

Esnan mas serca of riba caminda pa of for di e caminita ta Subway Palm Beach, Paradera y Alhambra pero naturalmente por bishita nos otro localidadnan cu ta Dakota, Cura Cabai, Sta. Cruz of Renaissance Marketplace pa busca bo sub faborito y ricibi bo descuento.

Ta pidi tur automobilista cu lo ta den destricto di Noord awetardi pa tene cuenta cu caminda nan sera y e participante nan cu lo ta riba caya.

Gerente di Subway y tur su empleadonan ta desea tur participante hopi exito!

- Advertisement -

DUNA COMENTARIO

Please enter your comment!
Please enter your name here