Home Cultura Experience San Nicolas den tema di museo diasabra 26 di mei

Experience San Nicolas den tema di museo diasabra 26 di mei

29
0
SHARE
- Advertisement -

ORANJESTAD (AAN) — Ariba diasabra 26 di mei ta tuma lugar e siguiente edicion di Experience San Nicolas. San Nicolas ta preparando su cayanan pa henter e pueblo di Aruba bin pasa dushi den un ambiente historico, cultural, educativo y creativo.

Den e edicion aki ta ofrece seis diferente actividad pa henter famia, ta invita un y tur pa bin participa na e diferente tayernan gratis tumando lugar ariba e dia aki.

E team di Experience ta presenta e edicion aki dedica na museo. Lo tin dos pop-up museum presente. Alabes por bishita Museum of Industry den e monumental Watertoren San Nicolas.

Experience San Nicolas ta sigui cu su mercado “Sani Market”. Un mercado den e area di promenade cu un dushi ambiente caribeño, rondona pa arte, cuminda y cultura.

Pa esnan cu ta desea mas informacion con pa participa por tuma contact cu nos na 5847090 of experiencesn@gmail.com E mercado ta tuma lugar durante e orario di Experience San Nicolas cual ta entre 9 or di mainta pa 1 or di merdia.

E biaha aki nos ta ofrece un tour special cu yama “Experience Art Walk”. Bin conoce e murayanan yena cu arte y e storia nan tras.

Cosecha San Nicolas cu su tienda di artesania certifica traha door di localnan y su centro creativo tambe tin algun actividad cu bo no por keda sin falta, manera e “ Spinning wheel clay demonstration” duna pa e maestra di klei Trudy Lampe.

Otro actividad sigur cu ta bale la pena, ta e pop-up museum di Museo Archeologico na Cosecha, tema di nan actividad ta; “Indian Party for kids”. WEMA San Nicolas ta ofrece un tayer di traha bo mesun cuadra, special pa tur mucha. Di 11 or di mainta pa 1 or di merdia.

Den cura di Nicolaas Store ta tuma lugar e “Outdoor Collection Artifacts Exhibition” pasa bishita y mira parti di e colleccion di Community Museum y parti di e colleccion priva di WEMA Home and Hardware Center N.V.

Durante e actividad aki, e team di Aruba Certification Program tambe lo tey presente na Nicolas Store pa haci un encuesta entre e bishitantenan y tambe duna informacion di nan trainingnan cu lo tuma lugar pronto na San Nicolas.

- Advertisement -

DUNA COMENTARIO

Please enter your comment!
Please enter your name here