Home Deporte FC Porto a gana RCS 4-0

FC Porto a gana RCS 4-0

36
0
SHARE
- Advertisement -

ORANJESTAD (AAN) – Diadomingo 20 di Mei 2018 a inicia den Compleho Deportivo Guillermo P Trinidad e playoff 2017/2018 di futbol Division Uno.

Riba e schedule mester tabata tin dos wega pero e di dos wega a wordo cancela y ta sigui awe.

E wega di awe Diamars ta entre Brazil Jrs vs United den Stadion Frans Figaroa na noord pa exactamente 8or pm.

E wega di Diadomingo tabata entre FC Porto y RCS caminda mester bisa den e prome 45′ nan di wega ambos equipo a crea algun oportunidad ,caminda cu pa ser exacto na di 11′ di wega ta e homber peligroso di FC Porto ta logra habri e marcador den persona di Churmey Leon #10 riba su camiseta pa manda su equipo ariba 1-0.

Den un atake di e equipo di FC Porto riba un hugada poco bruto e hungador Churmey Leon  ta keda leshona y mester a bandona e wega.

Cu FC Porto ariba 1-0 riba e marcador ta bai sosiego,

Den e di dos parti di wega e equipo di FC Porto ta crea poco mas chens di gol y ta na di 65′ di wega Daniel Tromp #8 ta logra score un gol mas  pa amplia e score na 2-0.

E equipo di Savaneta ta haja algun bon chens pa corta ventaha pero no por a concretisa.

Den e parti final di wega pa ser exacto na di 81′ di wega Antonio Lopez #4 ta score pa asina bai ariba 3-0.

E equipo di FC Porto no a basila y a sigui ataca poniendo presion riba nan contricante y ta amplia na di 83′ di wega pa medio di Winston Helder #6 pa haci e wega 4-0.

FC Porto a sa di probecha riba e fayo nan di e equipo di RCS cu a bai hunga den defensa y ta un biaha mas ta Daniel Tromp #8 ta bolbe score pa asina pone un gol mas riba su nomber pa manda su equipo ariba comodamente 5-0.

Y cu e score di 5-0 e equipo di FC Porto  ta habri e playoff riba un bon pia.

E wega a wordo dirigi pa Alexander Simmon y asisti pa B. Lucker y V. Ridderstaat.

 

- Advertisement -

DUNA COMENTARIO

Please enter your comment!
Please enter your name here