Home Deporte FC Porto y United a keda empata na gol

FC Porto y United a keda empata na gol

19
0
SHARE
- Advertisement -

ORANJESTAD (AAN) – Diadomingo 27 di Mei 2018 a tuma lugar den stadion Frans Figaroa na Noord e clash entre FC Porto contra di United. FC Porto ta bin di un victoria riba e equipo di RCS cu e score di 5-0 , mientras United nan wega ta keda cancela contra di Brazil Jrs.

Na di 6′ di wega Jimmy Luzardo #7 riba su camiseta ta logra habri e marcador pa hiba su equipo FC Porto ariba 1-0.

Den e prome 45 minuutnan di wega ambos equipo a sa di crea algun oportunidad di gol pero ta e equipo di FC Porto a logra di habri e marcador , cu e score di 1-0 pa FC Porto ta bai sosiego.

Den e di dos parti di wega e equipo di FC Porto ta pone basta presion caminda cu riba un hugada dilanti gol  e hungador Michaelangelo Wild #18 ta lora un bala caminda e bala ta dal den pia di e defensa di United y bai den gol pa asina FC Porto bai ariba 2-0.

Riba un tiro di skina pa e equipo di United bala ta reboltea dilanti gol caminda e hungador Michael Molinares #7 ta kop e bala e asina deposite den net na di 64 minuut di wega pa asina corta ventaha 1-2.

E equipo di United ta sigui presiona y ta probecha caminda e equipo di FC Porto ta cai den defensa y asina ta duna United espacio pa crea algun bon oportunidad y den un atake di United ta foulia un hungador na rand di doelgebied caminda refree na ta basila y ta pita pa un tiro directo, Miguel Suarez #10 ta cobra e tiro caminda e ta los un fusil fuera di alcanse di e portero di FC Porto pa asina empata e wega na 2 gol.

Final di e wega ta keda den un empate FC Porto vs United 2-2.

 

- Advertisement -

DUNA COMENTARIO

Please enter your comment!
Please enter your name here