Home Social Festival di Caha di Orgel na Hoffie Seroe Janchi

Festival di Caha di Orgel na Hoffie Seroe Janchi

55
0
SHARE
- Advertisement -

ORANJESTAD  (AAN):  Diadomingo awor, 3 Juni 2018 lo bai tin na Hoffie Seroe Janchi un candeloso festival di Caha di Orgel y Wiri cu lo inicia pa 3:00 or di atardi.

Entre esnan cu lo tuma parti na e festival aki nos ta haya: Sr. Sotero Geerman cu su Caha Mi Princesa; Sr. Andres Figaroa cu su Caha Johanna; Sr. Minguel Werleman cu su Caha El Purfiado; Sr. Nai Felicia cu su Caha Bucurui; Sr. Tinchi Farro cu su Caha El Diamante y Sr. Martin Figaroa cu su Caha Sirena.

Esaki ta bai bira un mano a mano pa mira cual Caha ta logra buta mas hende riba pista di baile.

Pa promove nos cultura entrada lo ta COMPLETAMENTE GRATIS.

Bin mira con Sr Sotero Geerman ta domina e arte di toca Caha. Pa no papia mes di Sr. Andres Figaroa  cu su Caha Johanna, dedica na su querida mama. Sr. Minguel Werleman ta bin demostra cu no ta pornada su Caha ta esun di mas bieu aki na Aruba, basora bieu sa unda sushi ta keda.

Sr Nai Felicia ta bin saca hasta yuwananan cu su Caha Bucurui.  Sr. Tinchi Farro ta bin demostra pakico su Caha cu ta yama El Diamante. Alarma di Sirena lo keda zona den Hoffie ora cu Sr, Martin Figaroa resona su Caha Sirena y lo mustra su ruman morocho Andres con pa drei un Caha.

Bin apoya loke ta di nos prome.

- Advertisement -

DUNA COMENTARIO

Please enter your comment!
Please enter your name here