Home Cultura Filial di Biblioteca Nacional ta sufriendo un retraso

Filial di Biblioteca Nacional ta sufriendo un retraso

27
0
SHARE
- Advertisement -

ORANJESTAD(AAN): Renobacion na filial di Biblioteca Nacional na San Nicolas, ta den un fase hopi avansa, pero lamentablemente ainda no ta completamente cla pa entrega, segun directora Astrid Britten.

Siman pasa varios colega di Biblioteca tabata na e filial na San Nicolas, hunto cu un representante di DOW pa sigui riba e desaroyo di e trabaonan cu ta tumando luga y tin trabaonan cu tin cu keda finalisa ainda.

Un di nan ta SETAR, ya cu a haya un contratiempo, mirando cu nan a horta e kabelnan di telefon. Un otro trabao adicional mester a tuma luga, pa por concreta esaki.

Tambe tin trabaonan interno cu mester por a keda cla, prome cu e entrega e edificio na biblioteca. Intencion ta cu pa dia 16 di April lo el a keda entrega. Pero debi na esaki, tin un retraso.

No a haya un fecha nobo ainda. Britten a pidi un reunion si tambe cu DOW pa palabra tur e desaroyonan cu tin, kico por ta e posibel fecha nobo pa entrega di e edificio.

Di parti di e contratista encarga cu control di e trabao, segun Britten, ta departamento di DOW, ta un proceso cu ta cana den dos. Biblioteca mes no ta den esey. Ta pone biblioteca na altura. Y si tin problema manera den e caso aki cu a bin un retraso riba e entrega di e trabao.

Astrid Britten, directora di Biblioteca, a splica cu DOW a traha e programma van eisen. Tin un lift completamente nobo. Esey tabata un di e problemanan cu ultimo biaha el a keda renoba, no a haci algo na dje.

Ya cu ta haya toch pa e hendenan grandi cu por haci un uzo mas optimal di dje, e lift ta completamente nobo. Airconan tambe ta nobo. Kranchi di bañonan, pero no manera a reemplaca e wcnan of labamano. E luga ta full geverfd. Tabata un trabao di alrededor di 1.6 miyon florin.

Esaki por considera como un grote beurt. Hopi di e cosnan a cambia. No tin mobilario nobo. No tabata inclui den e parti ey. E parti cu a renoba, ta e parti bouwtechnisch. Locual cu a keda haci tambe, segun Britten.

Awor aki nan a na un edificio hopi mas chikito. Tin hopi material cu ta warda. Tin biaha tin cu pensa cu mas warda e materialnan, y ora saca nan, bo ta haya un deterioro tambe di esaki. Ta spera cu pronto e parti aki por keda cla, pa nan por ta bek den e edificio den Peter Stuyvesantstraat.

 

 

 

 

- Advertisement -

DUNA COMENTARIO

Please enter your comment!
Please enter your name here