Home Gobierno Gabinete anterior a permiti aumento di deficit door di uzo di entrada...

Gabinete anterior a permiti aumento di deficit door di uzo di entrada incidental pa paga gasto structural

83
0
SHARE
- Advertisement -

Otmar Oduber:

ORANJESTAD (AAN) — Pa locual cu ta trata e diferente gastonan di Gobierno y e situacion di introduccion di un ‘crisis heffing’, Minister di Infrastructura y Medio Ambiente Otmar Oduber a elabora den Parlamento riba e motibo tras di e deficit astronomico cu tin.

Gabinete actual consistiendo di e tres partidonan por medio di dedicacion y esfuerso a haci  diferente ahustacionnan pa por baha gasto mas cu ta posibel y un di e esfuersonan aki ta cu por a logra baha cantidad di empleadonan di Gobierno.

Awe por bisa cu tin 187 empleado menos cu ta representa riba 7 miyon florin cu ta spaar unicamente di hendenan cu tabata rond di e Ministernan durante Gabinete anterior.

‘Gobierno a haci esfuerso pa un cantidad di decisionnan cu a wordo tuma den pura pa reduci gastonan ora cu a wordo confronta cu e realidad di presupuesto cu bo no por a cera wowo pe. E Gabinete aki a para p’e, nos a percura pa tin e fondonan necesario, pa atende cu e crisis social cu tin.  A percura pa aloca fondonan unda cu e hende ta central, cu un gobernacion transparente y cu ta traha pa su comunidad.

Pa por ilustra y forma un bista mas cla di e crecemento di e debe e ultimo añanan aki Minister Oduber a haci uzo di un entrevista publica den medionan di comunicacion unda cu na October 2015 ex Minister di finansas sr. Bermudez a bisa cu ta premira un porcentahe di ABB di entre 6 y 7 porciento. 6 siman despues e mesun Minister ta bisa cu refineria ta bira reemplaso di ABB.

El a declara tambe cu tin un buraco na 2016 di 45 pa 50 miyon florin.  Sinembargo 2 aña despues: 45 pa 50 miyon florin a bira 131 miyon florin di deficit y enbes di tin surplus di 200 miyon manera cu caft a premira,  tabatin 270 miyon florin den deficit.

E realidad di tur esaki ta cu ABB no a wordo introduci y refineria tampoco, sinembargo e unico cos cu si tey ta e debe cu e Gabinete anterior a laga a tras di 300 miyon florin p’e pueblo aki.

- Advertisement -

DUNA COMENTARIO

Please enter your comment!
Please enter your name here