Home Parlamento Gabinete Wever Croes su maneho den e presupuesto di 2019 mester refleha...

Gabinete Wever Croes su maneho den e presupuesto di 2019 mester refleha e masterplan structural pa San Nicolas

27
0
SHARE
- Advertisement -

Rudy Richardson di MEP:

ORANJESTAD   (AAN):  Segun Rudy Richardson di MEP, “Dos siman pasa mi a presencia e ground breaking di e expansion di Instituto Medico di San Nicolas (IMSAN). Reflehando riba locual mester a wordo haci desde 2009 pero nunca no a cristalisa door di cambio di gobierno, IMSAN cu ta un Proyecto di Movimiento Electoral di Pueblo (MEP) awe ta birando realidad, despues cu esaki a wordo para na 2009 y 2013 bao liderazgo di sr. Mike Eman.

Hecho ta cu e expansion aki ta parcial pasobra Hospital Dr. Horacio Oduber a bay cu mitar di e proyecto. Mike Eman ta brasa, sunchi y sinta den misa cu bo, pero e ta e autor principal cu e proyecto di IMSAN a wordo para. Mi no tin respet pa e tipo di politica asina pasobra bida di hende no ta cos di hunga cu ne, anto tur hende cu un tiki sinti sa e spin-off economico cu un proyecto di e magnitud aki lo a trece pa San Nicolas y vecindario.

Mi ta un mucha di “pura sepa” di San Nicolas ya cu ta akinan mi a wordo forma, anto mi tin un deber moral cu e pueblo aki. Mi no ta pretende di ta otro, mi no mester aprobacion di niun hende pa mi por lucha pa locual mi ta kere aden. Set di infeliz cu pueblo a confia anto wak unda nos ta awe. Ni bombio no ta traha den cayanan principal di San Nicolas, tur proyecto laga na mitar: Carnaval Village, abo ainda ta warda e Carnaval Museum? Ainda bo ta warda e “bon deal” di Citgo di Mike de Meza y Richard Arends?

Ainda bo ta warda tur e promesanan BASHI di Mike Eman, esun di mas pio cu nos a experencia den e ultimo 32 añanan? Joe Laveist Ballpark, Sport Center IBISA, Esso Heights Camp basketball veld na werki anto den Village no ta cos di papia mes. Un speeltuin den pura pa haya voto. Mi compromiso ta pa contribui na un San Nicolas mas progresivo anto si esaki ta un problema pa e “grupito”, so be it. Ban sigui participa pa San Nicolas haya su fairshare. Tin suficiente tereno rond di IMSAN, Astoria motel y Hickinson motel mester di atencion.

Un partner strategico pa e desert course na Golfweg anto nos ta den bon direccion. Tin hopi mas proyecto cu ta crea un sinergia den e masterplan pa San Nicolas enbes di tuma nos hendenan haci cu “festival di sopi”. Unico solucion ta desaroyo economico sostenibel.

E presupuesto di 2018 tin apenas 5 luna di maneho. Gabinete Evelyn Wever Croes su maneho den e presupuesto di 2019 mester refleha e masterplan structural pa San Nicolas.

It’s better to die on your feet, than to live on your knees”, a bisa.

 

- Advertisement -

DUNA COMENTARIO

Please enter your comment!
Please enter your name here