Home Gobierno Gobierno di AVP a derocha recurso di e pais poniendo Aruba bao...

Gobierno di AVP a derocha recurso di e pais poniendo Aruba bao supervision financiero

172
0
SHARE
- Advertisement -

Minister Ruiz-Maduro: Perhudicando Gobierno y generacionnan cu debe enorme

ORANJESTAD  (AAN)  –  E Gabinete actual su punto di salida ta un Gobierno transparente y a mustra esaki tambe cu hecho y dia 4 di december aña pasa a sali y splica pueblo kico e situacion financiero ta como tambe a informa CFT y Den Haag di e manera cu Mike Eman a tuma nan tur haci asina Minister di Finanzas, Asuntonan Economico y Cultura a declara den Parlamento di Aruba durante tratamento di Presupuesto 2018.

E Gabinete actual a tuma e iniciativa y a bay New York y atende cu inversionistanan y cu e companianan di rating Fitch y Standard and Poors. E Gobierno aki a tuma e decicion pa traha cu e berdad y no cu manipulacion, pasobra ta cobarde manera Eman y su bende so no por deal cu e berdad y e realidad cu nan a hinca nos Pais aden.

E legado scur aki di Eman y su bende lo keda graba den Aruba su historia di gobernacion, como un grupo di gobernante y parlamentario cu a derocha recurso di e Pais aki y a hiba nos Pais den un direccion penoso, pone Aruba bou supervicion financiero y perhudica gobiernonan y generacionnan cu ta bin cu un debe grandisimo. E situacion di nos Pais no ta bay drecha den 4 aña.

Minister Xiomara Ruiz-Maduro a trece dilanti cu Gobierno ta sigui cu e cambio cu Pueblo a pidi p’esey a tuma pasonan firme pa atende cu e disaster hereda. Nos a traha riba e presupuesto suppletorio pa 2017 y a traha diligentemente pa entrega e presupuesto pa 2018.

Como mandatario responsabel pa maneho di finanzas publico a duna cara na compania di rating. Poco dia pasa mes Gobierno di Aruba  a haya e noticia grato di Fitch cu Aruba ta mantene su status di inversion.

 

- Advertisement -

DUNA COMENTARIO

Please enter your comment!
Please enter your name here