Home Gobierno Gobiernonan di MEP y AVP a huur edificio di DTI na Pos...

Gobiernonan di MEP y AVP a huur edificio di DTI na Pos Chikito pa 12 aña largo

55
0
SHARE
- Advertisement -

Minister Otmar Oduber:

ORANJETAD(AAN)– Durante di e siman aki a surgi hopi keho y reaccion tocante huurmento di e ex edificio di DTI na Pos Chikito. Indicando cu esaki ta di campañador of sponsor di partido POR y di Otmar Oduber. Pa cual Minister di Infrastructura y Medio Ambiente Otmar Oduber ta reacciona y cuestiona e insinuacionnan aki considerando cu no ta for di awo Gobierno a huur y haci uzo di e edificio aki.

‘Diripiente un edificio cu tin exactamente 14 aña na huur door di Gobierno, kiermen partidonan MEP y AVP tabata den Gobierno y a huur e edificio aki, pero awo e ta un problema. Awo cu Serlimar ta mira cu esaki ta un sitio cu tin un di e sumanan di huur di mas abou den tur otro edificionan cu Gobierno ta huur, diripiente no por huur e mas.

E cosnan aki ta hilaridadnan cu mester wordo treci dilanti pa comunidad di Aruba ponenan den perspectiva. Pasobra nan ta netamente obstaculisa e mehoracion riba e rumbo pa soluciona e retonan cu nos tin riba nos isla y den e caso aki e reto specifico pa maneho di desperdicio akinan na Aruba.

Mi tin 6 luna  aworaki como Minister encarga cu e cartera pa maneha Serlimar, kiermen ta pidi un tiki mas tempo pa por keda cla y soluciona e problema aki pa loke ta trata e maneho di desperdicio akinan na Aruba,’ Minister Oduber a declara reaccionando riba e diferente ponencianan haci pa ex Ministernan.

E mandatario a accentua cu e edificio cu Serlimar ta den actualmente na San Nicolas, ta den mal estado y e sitio no ta adecua como cu e ta mey mey di un bario hopi habita.

Serlimar ta ubica eynan sin hindervergunning, (Gobierno ta complice pa un edificio opera sin papelnan necesario). Esaki ta algo cu no por y cu tambe  ta forma parti di e motibonan pa cual a scoge pa muda e edificio aki na un lugar mas central.

- Advertisement -

DUNA COMENTARIO

Please enter your comment!
Please enter your name here