Home Social Hilton Hotel Aruba ta participa den e Careers@Hilton Week

Hilton Hotel Aruba ta participa den e Careers@Hilton Week

21
0
SHARE
- Advertisement -

ORANJESTAD  (AAN)  – Hilton Aruba Caribbean Resort & Casino a participa den e Careers@Hilton Week, un evento anual global di carera di Hilton cu ta mustra hopi di e oportunidadnan disponibel den e industria di hospitalidad pa hobennan buscando trabao.

Durante e siman di 14 di mei e hotelnan di Hilton y e oficinanan corporativo rond di mundo a organisa masha hopi evento pa informa e hobennan tocante e oportunidadnan interesante y diverso di trabaonan den e industria di hospitalidad.

E iniciativa aki ta forma parti di e compromiso di Hilton Open Doors, cu tin como obhetivo pa influencia por lo menos un miyon di hoben pa aña 2019 door di conecta nan cu oportunidadnan den e industria hotelero, prepara nan pa alcansa nan maximo potencial of emplea nan directamente.

Hilton ta rumbo pa alcansa e obhetivo aki, cu casi 800,000 hoben impacta a traves di partnership global, talentonan den pipeline y activacionnan local te cu dia di awe. Dia 17 di mei Hilton Aruba Caribbean Resort & Casino a ricibi studiantenan di Ibero-American High school. E studiantenan a experencia un sesion di orientacion y despues a cana cu e ehecutivonan durante trabao.

E bishita a wordo organisa pa e departamento di Recurso Humano y Gerente General Hans-Georg Roehrbein a saludo e studiantenan personalmente y e la tene un intercambio di idea den su oficina. “Nos ta traha hopi ora y weekend y dianan di fiesta nos no tin liber”, e la splica, “pero nos ta gusta loke nos ta hasi y nos no lo kier e di niun otro manera”. “Si bo ta prospera den diversidad y excitacion, ta bon pa bo considera traha den hospitalidad”, e la agrega.

E eventonan di Careers@Hilton Week ta un oportunidad unico pa Hilton inspira e solicitantenan di trabao tocante careranan den e industria di hospitalidad y pa brinda nan e apoyo door di duna nan guia tocante e habilidadnan cu ta vital pa ta existoso na trabao y den otro aspectonan. E participantenan a join Hilton pa eventonan cu ta cuminsa di clinicanan di curriculum te cu networking, como tambe presentacionnan di empleadonan actual tocante nan trayectoria profesional den hospitalidad.

Pa mas informacion tocante e compromiso di Hilton’s Youth, bishita http://newsroom.hilton.com/index.cfm/misc/youth. Pa mas informacion tocante oportunidadnan pa trabao na Hilton, bishitahttp://jobs.hiltonworldwide.com/.

 

 

- Advertisement -

DUNA COMENTARIO

Please enter your comment!
Please enter your name here