Home Policial Homber a ranca tas di un muher y core bay

Homber a ranca tas di un muher y core bay

74
0
SHARE
- Advertisement -

ORANJESTAD (AAN): — Central di polis dialuna marduga a dirigi patruya  Noord direccion di “Heineken Bar” na “South Beach Lounge” pa atende caso relaciona cu “Atraco”.

Segun e prome informe, un homber a ranca tas cu contenido di un hende muher y core bay.

Na altura di e luznan di trafico, patruya Noord a papia cu e señora di inicial G. cu a declara di ta biba na Noord. El a sali y a cana di su cas te na  Hot Zone.

El a tene den su man drechi un tas chikito color preto cu flornan cora riba dje. Den e cas e tabatin su pas di banco, 2 carchi AZV, ID, mas 100 dollar Mericano y un  Samsum Galaxy S7 caft preto/cora .

Dialuna 01:30 or di marduga el a cana riba acera na e banda di Mc. Donald’s den direccion pabao. Ademas e denunciante a sigui declara cu un homber desconoci pa su persona a cana banda dje den mesun direccion. E homber desconoci  tabata comporta manera e ta bao di su awa.

Na altura di di Aqua Grill  Restaurant e homber desconoci aki a ranca tas di denunciante y despues e tipo aki a core bay . Denunciante a grita diferente biaha di a wordo atraca. Patruya a papia cu un homber di inicial A. y e ultimo a declara di ta traha na “Heineken Bar” na “ South Beach Bar”.

Dialuna e tabata den e bar ora el a scucha gritamento. El a wak un homber color bruin  mas o menos 1.70 mtr largo ta core direccion pariba. E asaltante tabata bisti cu petchi shinishi, cabey krul, camisa shinishi , un Bermuda short cu sapato preto.

El a  core tras di e homber atracador  desde Hooters te na e luznan di trafico. E homber atracador desconoci a core perde den scuridad  E luznan di caya riba Sazaki weg desde Superfood pa Wendy’s no tabata funciona, e version ta menciona.

Y eynan tabata completamente scur. Patruya a core tira bista den e vecindario pero ningun pista di e atracador describi ariba.

 

- Advertisement -

DUNA COMENTARIO

Please enter your comment!
Please enter your name here