Home Policial Homber mal bati den Caya Dick Cooper interna

Homber mal bati den Caya Dick Cooper interna

110
0
SHARE
- Advertisement -

ORANJESTAD (AAN): Diahuebs basta laat den marduga, un hende muher a yama Central di polis y a reporta cu un homber a wordo maltrata severamente y e ta teme pa su biba.

Patruya San Nicolas a wordo notifica pa nan bay cu urgencia den Caya Dick Cooper na altura di Digicel na unda un homber a wordo maltrata. Un rato despues central di polis a informa e patruyanan na caminda, pa nan controla tambe den area di BSL Laundry relaciona cu dos diferente informacion cu a drenta. Patruya a controla tras di Digicel pero polis a topa nada particular y a bay di biaha na BSL Laundry.

Aki polis ta topa un homber na suela. E homber desconoci tabata sangra formal for di e herida na banda drechi di su cabez y ademas e victima tabata sangrando for di boca.

Ora cu polis a papia cu e homber e victima apenas por a expresa algo.

Polisnan a wak algun testigo den cercania y nan version a wordo tuma na e sitio.

Personal di ambulans mientras tanto a presenta y mesora e victima a wordo atendi.

Tabata trata di e  homber di inicialnan E.A.R.V. kende cu urgencia  a wordo transporta pa Dr. Horacio Oduber Hospital.

Parce cu nomber di esun cu a maltrata e victima ta conoci y a base di informe suministra polisnan a busca rond pa detene e sospechoso R.L. cu no a wordo haya den vecindario.

Central di polis a wordo poni na altura y tambe comandante di distrito San Nicolas.

Un ora pa otro ta pone man riba e sospechoso pa e duna cuenta na husticia.

 

- Advertisement -

DUNA COMENTARIO

Please enter your comment!
Please enter your name here