Home Comercio Hopi comerciante confrontando problema cu POS Mashinnan desde diabierna

Hopi comerciante confrontando problema cu POS Mashinnan desde diabierna

148
0
SHARE
- Advertisement -

Ayo benta!

ORANJESTAD  (AAN):  Despues di e “blackout” di diabierna hopi comercio a haya nan mes confronta cu problema pa acepta debit of credit cards. Esaki ta debi na e hecho cu e mashinnan a keda afecta door di e problema cu coriente.

Ta conoci cu dia cu coriente a bay tabata tin un fluctuacion den voltage cu a afecta varios aparato electrico. Awor tambe a sali na claridad cu tin negoshinan cu no ta trahando normal pa motibo cu e POS mashinnan no ta funciona.

Tin clientenan cu ta yega sin placa cash pasobra nan no ta carga cu nan efectivo. Solamente nan ta usa carchi pa paga. Esey kiermen cu e comerciante tin cu cancela e compra of bisa e cliente pasa despues pasobra nan no por tuma carchi na e momentonan aki. Kiermen ayo benta!

E problema a wordo raporta parce pero ainda tin comerciantenan ta wardando un solucion. E pregunta cu ta surgi ta: ken pa tira culpa riba dje? WEB, Elmar, Setar?

Ken lo cubri e gasto di e aparatonan cu a daña? Esaki sigur ta un situacion cu mester trece dilanti y bin cu un contesta, segun reaccion cu DIARIO a haya.

- Advertisement -

DUNA COMENTARIO

Please enter your comment!
Please enter your name here