ORANJESTAD (AAN): Aruba no tabata un excepcion. Na e Consulado Venezolano na Aruba por a mira con masha tiki hende a haci acto di presencia pa eherce nan voto pa loke ta e proceso electoral na e pais bisiña.
Tabata tin un total di 1132 Venezolano registra na Aruba cu por vota. For di 8 am te 6 pm e venezolanonan na Aruba por a vota na nan consulado ubica na Paardenbaaistraat. Te cu merdia, solamente 100 venezolano a vota.
Rond mundo tabata tin protesta contra “e fraude”. Na Aruba tabata hopi esnan cu a mustra cu nan no lo a vota ayera diadomingo. E yamado tabata pa no vota y e abstencionismo tabata evidente.
E eleccion aki a wordo rechaza contundentemente como un “farsa”, un fraude”. Ademas di Nicolas Maduro tabata tin 2 candidato mas.
Mientrastanto, na Plaza Simon Bolivar, un grupo di venezolanonan residente a reuni pa recauda firma pa asina pidi e gobierno di Aruba y di Hulanda rechaza e “simulacro electoral”, cu no ta refleha e boluntad popular y menos di e gran cantidad di hende cu ta bibando den exterior, asina Laura Luces a duna di conoce.
Segun observadornan internacional tabata tin menos di 82% di abstencion, mientras cu informadornan neutral di e Grupo Lima a laga sa cu e abstencion tabata di 82.96%.
Na Venezuela no ta existi e di dos vuelta. Segun expertonan, esaki ta nifica cu aunke e abstencion a gana, esun cu ta haya mayoria di voto lo ta legalmente e presidente di Venezuela. Awor mester spera e
