ORANJESTAD (AAN) — Departamento di Aduana Aruba ta informa na tur persona of negoshi cu ta haci importacion di mercancia cu frecuencia sea ta pa nan mes of pa negoshi, pa tuma bon nota di lo siguiente:
Ta obligatorio pa duna persoonsnummer di persona cu ta haci importacion of persoonsnummer di e negoshi concerni na e Customs Broker.
E Customs Broker na su turno lo usa e persoonsnummer di e persona of e negoshi importado pa asina haci e declaracion di aduana (Douane Aangifte) den e sistema digital di Asycuda World.
E persoonsnummer ta wordo otorga door di Departamento di Impuesto (Belastingkantoor).
Pa tur esnan cu ta hasi importacion pa negoshi, mester tene cuenta tambe cu e negoshi mester ta inscribi na Camara di Comercio (KvK).
Departamento di Aduana Aruba ta spera cu tur persona y negoshi a tuma bon nota di e aviso aki pa asina no surgi inconveniencia.
