Home Hudicial Importante ta cu e berdad a sali na cla

Importante ta cu e berdad a sali na cla

770
0
SHARE
- Advertisement -

Yiunan di Sasha Fang:

ORANJESTAD (AAN): Yiunan y famia di Sasha Fang a duna na prome reaccion despues di e sentencia den corte. Fiscal a pidi 25 aña pa cada acusado, pero 20 aña a cay.

Famianan no ta mucho conforme cu esey pero ki haci. 20 aña toch ta 20 aña. Aunke no conforme, nan a spera mas tempo.

Hustificacion di hues

Hues a splica for di comienso te final pakico el a duna e 20 aña. Door cu nan no tabata tin ningun record penal. Por ta p’esey a baha e castigo un poco tambe. E Hues a bouw’e op hopi bon p’akico. Tur dos a planea e crimen y esun cu a plani’e y no tabata eynan, ta mesun pisa cu esun cu a haci’e.

Por sinti cu hues no a cay den e wega di Steve Fang. Segun yiu di Sasha, el a sinti cu 100% cu el a tuma parti den e crimen aki. Hues tampoco no ta kere den loke el a declara.

E acusadonan lo bay purba apela pa baha e castigo. Segun e yiu di e victima, no ta interesa nan cu nan apela. Si nan tin cu bin 5 of 10 biaha mes, nan lo tey. No por give up riba e situacion aki. Nan tin cu sigui. Si e apela, ta mas cu bon bini, nan lo tey tambe.

Sosten tey tambe. Ta gradici tur hende cu tabata tey presente. Tur hende cu a manda mensahe y a yama. Ta hendenan cu tabata tin bon experiencia cu e mama, cu conoce e mama como un persona cariñoso. Ta algo di gradici y aprecia tambe.

E sentencia ta calma e alivio si y no. Aunke cu nan a spera tiki mas. 20 aña no ta facil. E no a facil pa wanta 20 aña den KIA, apesar cu di eynan tin cu tene cuenta cu 1/3 parti ta cay afo cu buena conducta. Por lo menos un 14 aña nan tin cu sinta.

Berdad a sali na cla

Un otro yiu a duna su reaccion riba e sentencia. El a splica cu e mas importante ta cu e berdad a sali na cla. P’e esey ta lo mas importante. Cu loke e famia aki a gaña, cu a comproba via ley y cu ta responsabel di loke a pasa den e cas.

E acusado tabata purba di balia tur hende, bisando cu e ta inocente. Pero no a logra convence ningun hende rond. Segun e yiu, esey ta demostra ki tipo di payaso e ta. Cu e ta dispuesto pa tuma famianan haci, gañando corte, gañando hues, gañando tur famia, ta demostra ki tipo di payaso e ta.

Steve tin derecho di apela, pero e famianan ta cla p’e. Nan ta djis sigui e caso, pasobra awo no tin ningun hende pa bringa. Ta ministerio publico contra nan. Pa famianan, e cos ta sigui normal.

E yiu no a spera nada. El a djis bin cu boluntad di Dios. E sa cu si tin e boluntad di Dios bo dilanti, tur cos lo sali na cla. E ta sinti cu el a bin cu e boluntad ey y locual cu e tabata busca, tabata solamente cu e prueba cu e persona aki ta responsabel pa loke a pasa. E por apela tur cos, pero e berdad tey caba. Ta un pagina mas gebolter.

 

 

- Advertisement -

DUNA COMENTARIO

Please enter your comment!
Please enter your name here