Home General Intencionalmente hefenan di RWZI na Parkietenbos a manda awa sushi lama

Intencionalmente hefenan di RWZI na Parkietenbos a manda awa sushi lama

56
0
SHARE
- Advertisement -

ORANJESTAD  (AAN):  Diaranzon a tuma nota un publicacion di DOW caminda ta informa e usuarionan di RWZI na Parkietenbos cu nan lo ta sera. Esaki tin di haber cu mantencion.

A propone pa esnan cu mester basha awa residual na Parkietenbos, pa usa Bubali Plas na e planta di RWZI. A resulta cu e mantencion tabata tin mas cos su tras. Intencionalmente RWZI a manda miles y miles di liter di awa contamina den lama. E aña aki mas biaha caba e sistema a daña y awa a wordo manda den lama.

Den e caso specifico aki, esnan cu ta encarga cu mantencion a manda e awa sushi y contamina directamente den lama. Mirando e Mangrovenan ta dificil pa mira e salida di e awa. Asina mes e parti sushi ta wordo mira mezcla den e awa di lama. Algun hende cu ta frecuenta e area a alerta nos riba e caso for di momento cu a avisa cu lo tin mantencion. Pesey mes a lanta drone riba diaranzon atardi 9 di Mei pa 4:28 PM pa mira e situacion di e tankinan. Djey a bay bek diahuebs mainta 10 di Mei pa 10:03 AM. Tambe Diadomingo merdia 13 di Mei pa 1:22 PM.

Claramente por mira un diferencia caba den e tankinan. E awa sushi cu no a wordo procesa ainda den e tanki mas grandi tabata bay lama. Naturalmente si e sistema no ta funciona nifica cu hasta e lodo vies tambe ta drenta awa. Pa esnan repsonsabel pa e planta, imposibel cu nan tin interes pa e medio ambiente. E ehempel cu DOW ta dunando y haci e cosnan aki scondi ta condenable.

Ta daño intencional na medio ambiente lagando mas cu un tanki di awa sushi bay den nos lama. E area ta mas contamina cu nunca. Contamina cu Dump y hasta pa propio RWZI cu concientemente ta habri e tanki pa laga e awa sushi drenta nos lama den forma intencional. Kier haci tanki bashi pa mantencion y a base di esaki ta manda e awa sushi bay sin pensa riba e daño cu esaki ta causa.

Importante pa e director pone esnan cu a haci e acto aki responsabel pa e daño grandi haci na medio ambiente y den nos lama. Masha bunita cu kier haci mantencion, pero mester haci esaki den forma responsabel y teniendo cuenta cu e daño ireparable cu bo ta causa manera den e caso specifico aki.

Ningun storia bunita por bin hustifica loke a sosode pasobra el a wordo planea asina. Mira e fotonan y asina bo por haya un idea completo di e cantidad di awa sushi cu a drenta e lama. Ademas di foto tin tambe varios video warda den nos file con tur cos a tuma lugar.

 

- Advertisement -

DUNA COMENTARIO

Please enter your comment!
Please enter your name here